సమంత పక్కన కూర్చోవాలంటే సిగ్గుపడ్డానని అత్తయ్య సరదా కామెంట్

స్టార్ నటి సమంత తన జీవితంలో కొత్త అధ్యాయం ఆరంభించింది. బాలీవుడ్ దర్శకుడు రాజ్ నిడిమోరుతో ఏడు అడుగులు వేసి వివాహ బంధంలోకి అడుగుపెట్టిన ఆమె, ఈ సమాచారాన్ని ఏ మాత్రం ముందస్తు సంకేతాలు ఇవ్వకుండా నేరుగా సోషల్ మీడియా ద్వారా ప్రకటించి అభిమానులకు సర్‌ప్రైజ్ ఇచ్చింది. 2025 డిసెంబర్ 1వ తేదీ ఉదయం, కోయంబత్తూర్‌లోని ఈశా ఫౌండేషన్ యోగా సెంటర్‌లో ఉన్న లింగ భైరవి ఆలయంలో భూత శుద్ధి విధానంతో ఈ వేడుక సాగింది. ఇరువురి కుటుంబసభ్యులు, అత్యంత సన్నిహితుల మధ్య జరిగిన ఈ వివాహం ఆధ్యాత్మిక వాతావరణంలో అందరినీ ఆకట్టుకుంది.

ఇదిలా ఉండగా, సినీ పరిశ్రమకు సుపరిచితమైన సింగర్ శోభారాజ్, దర్శకుడు రాజ్‌కు చిన్నమ్మ అవుతారు. ఒక ఇంటర్వ్యూలో పాల్గొన్న ఆమె, సమంత–రాజ్ వివాహంపై ప‌లు ఆసక్తికర వివరాలు చెబుతూ, సోషల్ మీడియాలో కొత్త చర్చకు తెరలేపారు. ఆమె వ్యాఖ్యలు ఇప్పుడు ఇంటర్నెట్ అంతా వైరల్ అవుతున్నాయి.

శోభారాజ్ మాట్లాడుతూ,

“సమంత మా ఇంటికి కోడలిగా రావడం మా అదృష్టం. ఆమె ఎంతో మంచితనంతో, శాంత స్వభావంతో ఉండే అమ్మాయి. పెళ్లి రోజు చీరలో ఎంత అందంగా ఉందో చెప్పలేను. అలాంటి మంచి అమ్మాయి రాజ్ జీవితంలోకి రావడం మా కుటుంబానికి సంతోషం” అని భావోద్వేగంగా చెప్పారు.
అలాగే గతంలో ఈశా ఫౌండేషన్ వద్ద సమంతను రెండు మూడు సార్లు కలిసిన విషయాన్ని కూడా వెల్లడించారు.

ఆ సందర్భంగా సమంత ఎంతో సన్నగా కనిపించడంతో, “పక్కన కూర్చోవాలంటే నాకు సిగ్గు వేసింది” అని నవ్వుతూ చెప్పారు. తాను కూడా స్లిమ్ అవ్వాలంటే ఏం చేయాలని సమంతను అడిగితే, కొన్ని వర్కౌట్స్ సూచించిందని, కానీ వాటిని ఫాలో కావడం తానంతగా చేయలేకపోయానని సరదాగా చెప్పారు.

సమంతకు ఉన్న ఆ భక్తి భావం రాజ్ జీవితంలో మంచి మార్పును తీసుకొస్తుందని కూడా పేర్కొన్నారు. సినీ విషయాలకు వస్తే— సమంత ప్రస్తుతం ‘రక్త్ బ్రహ్మాండ్’ వెబ్ సిరీస్‌లో నటిస్తోంది. రాజ్ & డీకే దర్శకత్వం వహిస్తోన్న ఈ సిరీస్‌లో ఆదిత్య రాయ్ కపూర్ ప్రధాన పాత్రలో కనిపించనున్నారు. అదనంగా ఒక హాలీవుడ్ ప్రాజెక్టులో కూడా సామ్ బిజీగా ఉన్నారు. అంతే కాకుండా, ‘మా ఇంటి బంగారం’ సినిమా షూటింగ్‌లో కూడా ఆమె నిమగ్నమై ఉంది. కొత్త జీవితం, కొత్త ప్రాజెక్టులు. సమంత ఈ దశలో మరోసారి కెరీర్ & వ్యక్తిగతంగా కొత్త మైలురాళ్లు చేరుకునే దిశగా పయనిస్తోంది.

#SamanthaRuthPrabhu#RajNidimoru#SamanthaWedding#CelebrityWedding#TollywoodNews#BollywoodDirector

#SamanthaUpdates#RaktBrahmand#RajAndDK#AdityaRoyKapur#SamanthaMovies#SouthCinema#EntertainmentNews