Education
బొప్పాయితో ఆరోగ్యం – వైద్యుల సూచనలు
ఆహారంలో భాగంగా బొప్పాయిని తరచూ తీసుకోవడం ఆరోగ్యానికి అనేక లాభాలను ఇస్తుందని వైద్య నిపుణులు చెబుతున్నారు. బొప్పాయిలో ఉండే పోషకాలు శరీరానికి సమతుల్యం కల్పిస్తాయని వారు వెల్లడించారు. ముఖ్యంగా అందులోని పొటాషియం రక్తపోటును నియంత్రించడంలో, కొలెస్ట్రాల్ స్థాయులను మెరుగుపరచడంలో కీలక పాత్ర పోషిస్తుందని వైద్యులు సూచిస్తున్నారు.
అదే విధంగా బొప్పాయిలో ఉండే విటమిన్ A, విటమిన్ Eలు చర్మ ఆరోగ్యాన్ని కాపాడడంలో, మెరుగుపరచడంలో సహాయపడతాయని నిపుణులు తెలిపారు. శరీరంలోని మలినాలను బయటకు పంపే ఔషధ గుణాలు కూడా బొప్పాయిలో ఉన్నాయని చెప్పారు. రోజూ ఉదయం ఈ పండును తీసుకోవడం వల్ల బరువు తగ్గడమే కాకుండా జీర్ణ సమస్యలు దరిచేరవని వారు స్పష్టం చేశారు.
అదనంగా, బొప్పాయిలో ఉండే ఫైబర్ మలబద్ధకాన్ని దూరం చేసి జీర్ణక్రియను సులభతరం చేస్తుందని వైద్యులు సూచించారు. సమతుల ఆహారంలో బొప్పాయి భాగమైతే రోగనిరోధక శక్తి పెరుగుతుందని, శరీరం తేలికగా, ఆరోగ్యంగా మారుతుందని వైద్యులు తెలియజేశారు.
