ఇంటర్ చదువులో ఒత్తిడికి చిన్నారి బలి: సూసైడ్ లెటర్ కంటతడి పెట్టిస్తోంది

హనుమకొండ జిల్లా నయీంనగర్‌ ప్రాంతంలో మరో విద్యార్థిని చదువులో ఒత్తిడిని తట్టుకోలేక అకాల మరణాన్ని వరించుకుంది. ఇంటర్‌ చదువుతున్న శివాని (16) అనే యువతి తన హాస్టల్ గదిలో ఫ్యాన్‌కు ఉరి వేసుకుని ఆత్మహత్య చేసుకుంది. ఆమె చదువుతున్న గ్రూప్‌ బాగా అర్థం కావడం లేదని, చదువులో వెనుకబడి పోతున్నానని గత కొన్ని రోజులుగా బాధపడుతూ ఉన్నట్టు తెలుస్తోంది. హాస్టల్‌లో ఎవరూ లేని సమయంలో ఈ ఘోరచర్యకు పాల్పడింది.

శివాని తనను తాను బలవంచుకోబోయే ముందు రాసిన సూసైడ్ లెటర్ ప్రస్తుతం ప్రతి ఒక్కరి మనసును కలచేస్తోంది. “చదువు నాకు అర్థం అయితలే. చెల్లె నువ్వు మంచిగా చదువుకోవే. నాలాగా అర్థం కాని చదువు వద్దు” అంటూ రాసిన మాటలు కన్నీళ్లు తెప్పించేలా ఉన్నాయి. ఆమె ఈ మాటల ద్వారా తన బాధను కాగితంపై చిందించింది. చదువు అర్థం కాకపోవడంతో దిక్కుతోచని స్థితిలో ఇలా నిర్ణయం తీసుకుందని పోలీసుల ప్రాథమిక విచారణలో తెలిసింది.

శివానిని ఇలా మానసికంగా కుంగిపోయే స్థితికి నెట్టినది కాలేజీ యాజమాన్యమేనని కుటుంబ సభ్యులు ఆరోపిస్తున్నారు. చదువులో వెనుకబడిన విద్యార్థులకు మానసిక సహాయం అందించాల్సిన వారే ఒత్తిడిని పెంచారని మండిపడుతున్నారు. ఈ ఘటనపై విచారణ జరిపి బాధ్యులపై కఠిన చర్యలు తీసుకోవాలని డిమాండ్ చేస్తున్నారు. పోలీసులు కేసు నమోదు చేసి దర్యాప్తు ప్రారంభించారు. విద్యార్థుల్లో చదువు ఒత్తిడిని తగ్గించాల్సిన అవసరం ఎంతవస్తుందో ఈ సంఘటన మరోసారి నిరూపిస్తోంది.