సౌత్ ఏషియన్ ఫుట్బాల్ ఫెడరేషన్-U19 మెన్స్ విజేతగా భారత్ అవతరించింది.

సౌత్ ఏషియన్ ఫుట్‌బాల్ ఫెడరేషన్ U-19 మెన్స్ ఛాంపియన్‌షిప్‌లో భారత యువ జట్టు మరోసారి సత్తా చాటింది. బంగ్లాదేశ్‌తో జరిగిన ఫైనల్ మ్యాచ్‌లో భారత్ అద్భుత విజయం సాధించి టైటిల్‌ను కైవసం చేసుకుంది. తొలుత మ్యాచ్ 1-1 గోల్స్‌తో సమం కాగా, పెనాల్టీ షూటౌట్‌లో భారత్ 4-3 తేడాతో బంగ్లాదేశ్‌ను చిత్తు చేసింది. ఈ విజయంతో భారత యువ ఆటగాళ్లు దేశ ప్రతిష్టను మరోసారి ఉన్నత స్థానంలో నిలిపారు.

ఇది భారత్‌కు ఈ టోర్నమెంట్‌లో రెండో టైటిల్ కావడం విశేషం. 2023లో తొలిసారి పాకిస్థాన్‌ను ఓడించి ట్రోఫీని సొంతం చేసుకున్న భారత జట్టు, ఇప్పుడు మరోసారి తన ఆధిపత్యాన్ని చాటుకుంది. ఈ ఘన విజయంతో భారత ఫుట్‌బాల్ అభిమానులు ఆనందోత్సాహాల్లో మునిగిపోయారు. ఈ యువ జట్టు భవిష్యత్తులో మరిన్ని విజయాలు సాధిస్తుందని ఆశిద్దాం!