రిషభ్ పంత్ అరుదైన రికార్డు

భారత క్రికెట్‌లో రిషభ్ పంత్ ఓ ప్రత్యేకమైన పాత్ర. ముఖ్యంగా టెస్టుల్లో ఆయన ఆటకు ప్రత్యేకమైన శైలి ఉంది. అందుకే ప్రపంచవ్యాప్తంగా ఉన్న అభిమానులు ఆయనను చూస్తేనే ముచ్చటపడతారు. ఇప్పుడు పంత్ తన కెరీర్‌లో మరో అరుదైన ఘనతను అందుకుని వార్తల్లో నిలిచారు.

టెస్టు క్రికెట్‌లో ఆసియా నుంచి వచ్చిన వికెట్ కీపర్-బ్యాటర్లలో SENA దేశాల్లో (దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా) అత్యధిక పరుగులు చేసిన ప్లేయర్‌గా రిషభ్ పంత్ నిలిచారు. వీటిని సాధించడం ఎంత కష్టం అంటే అక్కడి పిచ్‌లు, వాతావరణం, బౌలర్ల స్వభావం అన్ని బ్యాటర్లను పరీక్షిస్తాయి. కాని పంత్ మాత్రం తనదైన శైలిలో ఆ పరుగులు రాబట్టాడు. ఇప్పటివరకు పంత్ SENA దేశాల్లో 27 టెస్టుల్లో 38.80 సగటుతో 1,746 పరుగులు చేశాడు. ఇందులో 4 శతకాలు, 6 అర్ధశతకాలు ఉన్నాయి.

కేవలం వికెట్ కీపర్‌గా కాదు… ఓ ధైర్యవంతుడైన బ్యాట్స్‌మన్‌గా కూడా పంత్ నిలిచాడు. ఇక తన మొత్తమైన టెస్టు కెరీర్‌లో ఆయన 3,000 పరుగుల మైలురాయిని కూడా చేరుకున్నారు. ఒక్కో ఇన్నింగ్స్‌తో ఎదుగుతూ, తన ఆటతో అభిమానులకు మరోసారి ముచ్చట రేపుతున్నాడు.

ఈ రికార్డును సాధించిన నేపథ్యంలో ఇప్పుడు పంత్ ఇంగ్లండ్‌తో జరుగుతున్న టెస్టులో మరింత వెలుగులోకి వచ్చాడు. తొలి రోజు ఆట ముగిసే సమయానికి 65 పరుగులతో అజేయంగా నిలిచి, భారత్‌ను బలమైన స్థితిలో నిలబెట్టాడు. ఇదంతా చూస్తుంటే, పంత్ కథలో ప్రతి ఎపిసోడ్ కొత్త ఉత్సాహాన్ని, కొత్త రికార్డును ఇచ్చేలా ఉంది.

ఒకవేళ ఈ ఇన్నింగ్స్‌ను శతకంగా మలిచినట్టు అయితే, భారత క్రికెట్ చరిత్రలో పంత్ పేరు మరో పేజీ మీద నిలిచిపోతుంది. ఇప్పటివరకు ఎదుర్కొన్న గాయాలనూ, ఒత్తిడినీ తట్టుకుని మళ్లీ గెలుపు మార్గంలో నడుస్తున్న రిషభ్ పంత్ ఇప్పుడు నిజంగా “రిటర్నింగ్ హీరో” అనిపించుకుంటున్నాడు.