Andhra Pradesh
రిగ్గింగ్ చేయడానికి టీడీపీ నేతల కుట్రలు: అవినాశ్
పులివెందుల ZPTC ఉపఎన్నికలపై వైసీపీ ఎంపీ అవినాశ్ రెడ్డి తీవ్ర స్థాయిలో స్పందించారు. పోలింగ్ బూత్లను మార్చడం సరికాదని ఆయన స్పష్టం చేశారు. గ్రామాల్లో తెలుగుదేశం పార్టీ నేతలు డబ్బులు పంచుతూ ఓటర్లను ప్రభావితం చేయడానికి ప్రయత్నిస్తున్నారని ఆరోపించారు. ఈ చర్యలు ఎన్నికల న్యాయబద్ధతకు విరుద్ధమని అన్నారు.
డబ్బులు ఇచ్చి ఓటర్ స్లిప్పులు తీసుకోవడం ద్వారా దొంగ ఓట్లు వేసే పథకం అమలు చేస్తున్నారని అవినాశ్ రెడ్డి పేర్కొన్నారు. ఈ విధంగా తీసుకున్న ఓటర్ స్లిప్పులతో ఎవరికీ తెలియకుండా రిగ్గింగ్ జరిగేలా ప్లాన్ చేస్తున్నారని అన్నారు. సీసీ కెమెరాలకు కనిపించకుండా ఉండేలా ప్రత్యేక ఏర్పాట్లు చేస్తున్నారని ఆరోపించారు.
దొంగ ఓట్లు వేయడానికి ప్రత్యేక వ్యక్తులను గ్రామాల్లో దింపారని, దీనిపై అధికారులు తక్షణ చర్యలు తీసుకోవాలని ఆయన డిమాండ్ చేశారు. ఎన్నికల్లో పారదర్శకత కోసం అందరికీ వెంటనే ఓటర్ స్లిప్పులు అందించాలని, లేకపోతే ప్రజాస్వామ్యానికి నష్టం వాటిల్లుతుందని హెచ్చరించారు.
