అక్రమ మద్యం కేసులో చెవిరెడ్డి భాస్కర్‌ రెడ్డికి ఊరట… హైకోర్టు బెయిల్ ఆమోదం

అక్రమ మద్యం కేసులో వైసీపీ నేత, చంద్రగిరి మాజీ ఎమ్మెల్యే చెవిరెడ్డి భాస్కర్‌రెడ్డికు భారీ ఊరట లభించింది. ఏపీ హైకోర్టు గురువారం ఆయనకు బెయిల్ మంజూరు చేసింది. 226 రోజుల నిర్బంధం తరువాత బెయిల్ ద్వారా ఆయనకు స్వేచ్ఛ దొరికినట్లు తెలుస్తోంది.

చెవిరెడ్డి భాస్కర్‌రెడ్డి తో పాటు సజ్జల శ్రీధర్‌రెడ్డి, వెంకటేష్ నాయుడులకు కూడా హైకోర్టు బెయిల్ ఇచ్చింది.

విజయవాడ జైల్లో ఉన్న చెవిరెడ్డి భాస్కర్‌రెడ్డికి ఫిజియోథెరపి చేయించుకునేందుకు ఇటీవల ఏసీబీ కోర్టు అనుమతి మంజూరుచేసిన సంగతి తెలిసిందే. ఆయన వెన్ను నొప్పితో బాధపడుతుండడంతో, మంతెన సత్యనారాయణరాజు ప్రకృతి చికిత్సాలయంలో వైద్యం చేయించుకోవడానికి ప్రత్యేక అనుమతి కోరారు. కోర్టు 15 రోజులపాటు వైద్యం చేయించుకునేందుకు ఆదేశాలు ఇచ్చింది.

ఈ కేసులో అనిల్ చోఖ్రాకు కూడా తాగడానికి వేడినీళ్ళు సమకూర్చాలని కోర్టు ఆదేశాలు జారీ చేసింది.

ఏపీ లోని మద్యం డిస్టిలరీలను అదుపులో ఉంచి, సొంత బ్రాండ్లు తయారు చేసి బ్రూవరేజెస్ ద్వారా అమ్మి భారీ లాభాలు ఆర్జించారని ఈ కేసులో ప్రధాన అభియోగం. పీవీ మిథున్‌రెడ్డి కూడా ఈడీ విచారణకు గూర్చి 7 గంటల పాటు ప్రశ్నించబడ్డారు.

కాగా, ఇప్పటికే ఏపీ ప్రభుత్వం సిట్ ద్వారా ప్రత్యేక దర్యాప్తు చేపట్టింది. విచారణలో భిన్నమైన వివరాలు బయటపడినట్లుగా తెలుస్తోంది.

#ChevirreddyBhaskarReddy #YSRCP #IllegalLiquorCase #APHighCourt #BailGranted #SIT_ED #LiquorScam #VijayawadaJail #Physiotherapy #PVMithunReddy #SajjalSridharReddy #VenkateshNaidu #SITInvestigation #ACBCourt #TelanganaNews #AndhraPradeshLaw