‘కంగువా’ సినిమా ఫస్ట్ డే కలెక్షన్లు.. సూర్య కెరీర్‌లో అత్యధికమైనవి.

సూర్య హీరోగా శివ దర్శకత్వంలో వచ్చిన ‘కంగువా’ సినిమా తాజాగా ప్రేక్షకులకు అందింది. నిర్మాత జ్ఞానవేల్ రాజా ఈ సినిమా అద్భుతంగా చెయ్యబోతుందని ప్రచారం చేయడంతో సినిమా అన్ని ప్రాంతాలలో భారీ ప్రీ-రీలీస్ బిజినెస్ చేసింది. ఈ సినిమా ప్రపంచవ్యాప్తంగా దాదాపు రూ.190 కోట్లు ప్రీ-రిలీజ్ బిజినెస్ చేసింది. దీంతో బ్రేక్ ఈవెన్ టార్గెట్ రూ.400 కోట్లకు చేరింది. ఆ స్థాయి వసూళ్లు సాధించాలంటే కచ్చితంగా మొదటి రోజు వసూళ్లు భారీగా నమోదు కావాల్సి ఉంటుంది. కానీ ‘కంగువా’ మొదటి రోజు కేవలం రూ.40 కోట్ల వసూళ్లు మాత్రమే సాధించిందని బాక్సాఫీస్‌ వర్గాల ద్వారా సమాచారం అందుతోంది.

సూర్య హీరోగా, దిశా పటానీ హీరోయిన్‌గా శివ దర్శకత్వంలో చేసిన ‘కంగువా’ సినిమా బాక్సాఫీస్‌లో విడుదలైంది. ఈ సినిమా కోసం యూనిట్‌ సభ్యులు, ముఖ్యంగా సూర్య, దేశమంతా తిరిగి ప్రచారం చేశారు. హైదరాబాద్‌కి రెండు లేదా మూడు సార్లు వచ్చి పలు కార్యక్రమాలలో పాల్గొన్నారు. ముంబై, బెంగళూరులో కూడా ఈ సినిమా ప్రమోషన్లు ఎక్కువగా చేయబడ్డాయి. తమిళ్‌లో కూడా భారీ ప్రమోషన్లు జరిగాయి. ఈ సినిమాకు ఓపెనింగ్‌ కలెక్షన్స్‌ రూ.100 కోట్లు ఉంటాయని అందరూ అనుకున్నారు. నిర్మాత ఈ సినిమా వెయ్యి కోట్ల సినిమాగా ప్రమోట్‌ చేశారు.

తమిళనాడులో ఇప్పటివరకు వెయ్యి కోట్లు వసూలు చేసిన సినిమా లేదు. కంగువా సినిమా ఆ వెయ్యి కోట్ల క్లబ్‌లో చేరబోతున్న తొలి సినిమా అనే నమ్మకంతో మేకర్స్ మాట్లాడుతున్నారు. సినిమాకు అన్ని ఏరియాల్లో కలిపి దాదాపుగా రూ.190 కోట్ల ప్రీ రిలీజ్ బిజినెస్ జరిగినట్టుగా తెలుస్తోంది. సినిమా బ్రేక్ ఈవెన్‌ సాధించాలంటే దాదాపుగా రూ.200 కోట్ల షేర్‌ రాబట్టాల్సి ఉంది. అంటే, దాదాపు రూ.400 కోట్లు వసూలు చేస్తేనే సినిమా బాక్సాఫీస్ వద్ద సేఫ్‌గా ఉంటుంది. అంతటి పెద్ద మొత్తం రావాలంటే, మొదటి రోజున రూ.100 కోట్లకు మించి వసూలు కావాల్సి ఉంటుంది.

చూస్తుంటే కంగువాకి మొదటి రోజు మంచి వసూళ్లే వచ్చినట్టుగా ఉన్నాయి. వర్కింగ్ డే అయినా కూడా కంగువాకి బుక్సింగ్ బాగానే జరిగినట్టుగా కనిపిప్తోంది. కంగువా మొదటి రోజు సుమారు 50 కోట్ల గ్రాస్ వసూలు చేసినట్టుగా తెలుస్తోంది. కంగువా సినిమాకు మిక్స్డ్ రివ్యూలు వచ్చాయి, అది కలెక్షన్లపై ప్రభావం చూపించేమో చూడాలి. అయితే, ప్రస్తుతం బరిలో మరో పెద్ద ప్రాజెక్ట్ లేకపోవడం వల్ల కంగువాకు అవకాశం ఉండే అవకాశం ఉంది.

మామూలుగా, పాన్ ఇండియన్ సినిమాలకు, భారీ బడ్జెట్ చిత్రాలకు మొదటి రోజు కలెక్షన్లు చాలా ముఖ్యం. అవి కనీసం వంద నుంచి రెండొందల కోట్ల మధ్య ఉంటే సినిమా సేఫ్ అయ్యే అవకాశం ఉంటుంది. కానీ కంగువా మొదటి రోజు వంద కోట్లు కూడా రాలేదు. ఈ లాంగ్ వీకెండ్‌లో కంగువా త్వరగా సేఫ్ అవుతుందో లేదో చూడాలి. తమిళంలో 20 కోట్లు, తెలుగులో 6 కోట్లు, హిందీలో 5 కోట్లు, ఓవర్సీస్‌తో కలిపి అన్ని భాషల్లో చూస్తే కంగువా సుమారు 50 కోట్ల గ్రాస్ వసూలు చేసినట్టు కనిపిస్తోంది. అయితే ఇదే సూర్య కు కెరీర్ హయ్యస్ట్ ఓపెనింగ్ డే అని తెలుస్తోంది. మరి అసలు లెక్కల్ని నిర్మాతలు అధికారికంగా ఎప్పుడు ప్రకటిస్తారో చూడాలి.