SBI హోం లోన్ వడ్డీ రేట్లు పెంపు

దేశంలోని అతిపెద్ద ప్రభుత్వ రంగ బ్యాంకు స్టేట్ బ్యాంక్ ఆఫ్ ఇండియా (SBI) హోం లోన్ వడ్డీ రేట్లను పెంచింది. బ్యాంక్ ప్రకటించిన ప్రకారం, 25 బేసిస్ పాయింట్లు పెంచి, గృహ రుణ రేట్లు 7.50%–8.45% నుంచి 7.50%–8.70% శాతానికి పెంచినట్లు వెల్లడించింది. ఈ నిర్ణయం ఆగస్టు 1 నుంచి అమల్లోకి వచ్చినట్టు ఎస్బీఐ అధికారిక ప్రకటనలో స్పష్టం చేసింది.

తాజా పెంపుతో కొత్తగా హోం లోన్ తీసుకోవాలనుకునే కస్టమర్లపై ప్రభావం పడనుంది. ఇప్పటికే లోన్ తీసుకున్న వారికి ఈ పెరిగిన వడ్డీ రేట్లు వర్తించవని బ్యాంక్ స్పష్టం చేసింది. అంటే, ప్రస్తుతం ఎస్బీఐ కస్టమర్లలో ఉన్న పాత రుణ గ్రహీతలకు ఎలాంటి ఇబ్బంది లేకుండా, కొత్తగా రుణం తీసుకునే వారికి మాత్రమే ఈ రేట్లు వర్తిస్తాయి.

నిపుణుల అంచనా ప్రకారం, RBI వడ్డీ విధాన మార్పులు, ఆర్థిక పరిస్థితులు, గ్లోబల్ ఫైనాన్స్ మార్కెట్ ఒత్తిళ్లు వంటి అంశాలు ఈ నిర్ణయానికి దారితీశాయి. కొత్త వడ్డీ రేట్లు గృహ రుణ EMIపై నేరుగా ప్రభావం చూపనుండగా, రియల్ ఎస్టేట్ మార్కెట్‌పై కూడా కొంతమేర ప్రభావం ఉండొచ్చని విశ్లేషకులు భావిస్తున్నారు.