‘మిస్టర్‌ బచ్చన్‌’ సినిమా అతిపెద్ద డిజాస్టర్… ఒప్పుకున్న నిర్మాత!

సినిమా ఇండస్ట్రీలో సక్సెస్‌ రేటు అనేది చాలా తక్కువ.. ఎన్నో అంచనాలు పెట్టి తీసిన సినిమాలు బాక్సాఫీస్‌ వద్ద బొక్కబోర్లా పడతాయి. అయితే కొన్ని సినిమాలు మాత్రం కమర్షియల్‌గా అతిపెద్ద డిజాస్టర్స్‌గా నిలిచిపోతాయి. వాటిల్లో రవితేజ హీరోగా హరీష్ శంకర్‌ దర్శకత్వంలో వచ్చిన ‘మిస్టర్‌ బచ్చన్‌’ సినిమా ఏ సందేహం లేకుండా నిలుస్తుంది. ఈ సంవత్సరం రిలీజ్ అయిన సినిమాల్లో అతి పెద్ద డిజాస్టర్‌ అంటే అది మిస్టర్ బచ్చన్ సినిమానే. రవితేజ కెరీర్‌లోనూ అతి పెద్ద డిజాస్టర్‌గా మిస్టర్‌ బచ్చన్‌ సినిమా ఎప్పటికీ ఉంటుందని బాక్సాఫీస్‌ వర్గాలు కూడా చెప్తున్నాయి.

తాజాగా ‘మిస్టర్ బచ్చన్‌’ నిర్మాత టీజీ విశ్వప్రసాద్ ఒక ఇంటర్వ్యూలో మాట్లాడుతూ.. షూటింగ్‌ ప్రారంభంకు కొన్ని రోజుల ముందు ప్రాజెక్ట్‌లో మేము అడుగు పెట్టాము. 1980 నాటి హిందీ సూపర్‌ హిట్‌ పాటలు తనకు నచ్చడంతో సినిమా ఆడేస్తుందని అనుకున్నారట. అది ఒక తప్పు అయితే, మరో పెద్ద తప్పు ఏంటంటే… చాలా ఎపిసోడ్స్‌ను చాలా స్పీడ్‌గా షూట్‌ చేసేశారంట.. సినిమాలో కొన్ని సన్నివేశాలు అయినా కరెక్ట్‌గా తీసి ఉంటే తప్పకుండా హిట్‌ అయ్యి ఉండేదేమో. కీలకమైన కొన్ని రైడ్ సన్నివేశాలతో పాటు, మరికొన్ని యాక్షన్‌ సన్నివేశాల విషయంలో ఇంకాస్త దృష్టి పెట్టడంతో పాటు, మెల్లగా షూట్‌ చేసి ఉంటే నేడు ఫలితం మరోలా ఉండేదనే అభిప్రాయంను నిర్మాత చెప్పుకొచ్చారు.

మిస్టర్ బచ్చన్‌ సినిమాను నిర్మించడం అనేది తన జీవితంలో అతిపెద్ద చెత్త నిర్ణయంగా భావిస్తాను అన్నారు. రీమేక్‌ కంటే ఒరిజినల్‌ కథతో సినిమా చేస్తే బాగుంటుందని తాను భావించానని, రీమేక్ ఎందుకు అని కూడా అడిగాను. కానీ అప్పటికే రీమేక్‌కి సంబంధించి అన్ని ఏర్పాట్లు పూర్తి చేయడంతో ఇక మార్చడం కుదరలేదని ఆయన అన్నారు. షూటింగ్ మొదలయిన ఒక్క రోజు ముందే తాను ఈ ప్రాజెక్టులోకి వచ్చానని చెప్పాడు.

2024లో అతిపెద్ద డిజాస్టర్‌ తమ సినిమానే అంటూ నిర్మాత అంగీకరించారు. మిస్టర్‌ బచ్చన్‌ కారణంగా 10 నెలల నుంచి కొత్త సినిమాలు ప్రారంభించలేదు అన్నారు. అంతకు ముందు వరుసగా సినిమాలు చేస్తూ వచ్చిన పీపుల్స్ మీడియా ఫ్యాక్టరీలో సినిమాల మేకింగ్ ఒక్కసారిగా తగ్గి పోయింది. ఒక్క సినిమా ఫలితాలు.. మొత్తం సంస్థను ప్రభావితం చేసినట్లుగా విశ్వప్రసాద్‌ మాటలను బట్టి తెలుస్తుంది.