‘కన్నప్ప’ వాయిదా పడినట్టేనా.. విష్ణుకి ఇంకా కష్టం!

మంచు విష్ణు తెలుగు సినీ పరిశ్రమలో తన ప్రయాణం మొదలుపెట్టి ఇరవై ఏళ్లు పూర్తయింది. ప్రారంభంలో సక్సెస్‌ఫుల్ సినిమాలతో మంచి పేరు తెచ్చుకున్నప్పటికీ, గత దశాబ్దంలో మాత్రం అంతగా విజయవంతం కాలేకపోయాడు. ఆన్‌ అండ్‌ ఆఫ్‌గా ఫలితాలు ఎదుర్కొంటూ వచ్చిన విష్ణు, విభిన్నమైన కథలను ఎంచుకుంటూ తన శ్రద్ధతో సినిమాలు చేస్తూనే ఉన్నాడు.

ఇప్పుడు “కన్నప్ప” అనే భారీ బడ్జెట్ సినిమా మీద నమ్మకంతో ఉన్నాడు. ఈ చిత్రంలో ప్రభాస్, అక్షయ్ కుమార్, మోహన్ బాబు, మోహన్‌లాల్, ఆర్. శరత్‌కుమార్, కాజల్ అగర్వాల్ వంటి స్టార్ నటులు అతిథిగా కనిపించనున్నారు. విశాల్ బడ్జెట్‌తో నిర్మిస్తున్న ఈ చిత్రానికి ముఖేష్ కుమార్ సింగ్ దర్శకత్వం వహిస్తున్నారు.

డిసెంబర్‌లో విడుదల చేయాలని మొదట్లో అనుకున్నప్పటికీ, అనివార్య కారణాలతో రిలీజ్ వాయిదా పడింది. సంక్రాంతి సీజన్‌ తర్వాత సమ్మర్‌లో సినిమా విడుదల చేసే అవకాశాలున్నాయని విష్ణు చెప్పారు. హాలీవుడ్ టెక్నీషియన్స్‌తో పాటు ఎంతో మంది టాప్ ఇండియన్ టెక్నీషియన్స్‌ ఈ సినిమా కోసం పనిచేస్తున్నారు.