శైలం మల్లన్న హుండీకి భారీగా ఆదాయం.. 26 రోజుల్లో ఎన్ని కోట్లంటే

శైలం మల్లన్న హుండీకి భారీగా ఆదాయం.. 26 రోజుల్లో ఎన్ని కోట్లంటే 

శ్రీశైలం భ్రమరాంబ, మల్లికార్జున స్వామి దేవాలయాల్లో హుండీ లెక్కింపు ముగిసింది. భక్తులు ఇచ్చిన కానుకల ద్వారా మొత్తం రూ. 4,14,15,623 నగదు వచ్చినట్లు ఈవో చంద్రశేఖర్ ఆజాద్ చెప్పారు. అలాగే, 322 గ్రాముల బంగారం, 8.520 కిలోల వెండి, మరియు కొన్ని విదేశీ కరెన్సీలు కూడా వచ్చినట్లు చెప్పారు. ఈవో చెప్పారు ఈ మొత్తం ఆదాయం 26 రోజుల్లో వచ్చినది. ఆలయ అధికారులు, సిబ్బంది, మరియు శివసేవకులు కలిసి హుండీ లో ఉన్న కానుకలను లెక్కించారు. 

హుండీ లెక్కింపులో ఆలయ విభాగాల అధిపతులు, సిబ్బంది, శివసేవకులు పాల్గొన్నారు. 26 రోజుల్లో హుండీ లెక్కింపు ద్వారా రూ. 4,14,15,623 నగదు వచ్చింది. అంతేకాక 32.230 తులాల బంగారం, 8.5 కిలోల వెండి కూడా వచ్చినట్లు తెలిపారు. అలాగే 739 యూఎస్‌ఏ డాలర్లు, 1020 మెక్సికో పిసో, 1000 ఉగాండా షిల్లింగ్స్, 205 సింగపూర్‌ డాలర్లు, 200 ఘనా సీడిస్‌, 135 ఆస్ట్రేలియా డాలర్లు, 100 కెనడా డాలర్లు,50 యూఏఈ దిర్హమ్స్‌ విదేశీ కరెన్సీ ఆదాయంగా వచ్చింది. 

శ్రీశైలంలో భ్రమరాంబ, మల్లికార్జున స్వామివార్ల స్వర్ణ రథోత్సవం వైభవంగా నిర్వహించారు. మంగళవారం ఆరుద్ర నక్షత్రం కావడంతో వేకువజామున మల్లికార్జునస్వామికి మహాన్యాస పూర్వక ఏకాదశి రుద్రాభిషేకం, అన్నాభిషేకం, విశేష పూజలు నిర్వహించారు. తరువాత స్వామి, అమ్మవార్ల ఉత్సవమూర్తులను అందంగా అలంకరించిన స్వర్ణ రథంపై ప్రతిష్టించి అర్చకులు మంగళహారతులు ఇచ్చి పూజలు చేశారు. ఆలయ ఈవో చంద్రశేఖర్ ఆజాద్ స్వామి వారికి కర్పూర హారతి, నారికేళం సమర్పించారు. రథం ముందు భక్తులు “శివ శివ” అంటూ నామస్మరణతో గర్జించారు. రథం ముందు కళాకారిణులు కోలాట నృత్యాలతో సందడి చేయగా.. ఆలయ నలువైపులా ఉన్న మాడవీధుల్లో స్వామి, అమ్మవార్లు స్వర్ణ రథంపై భక్తులకు దర్శనమిచ్చారు. 

శ్రీశైలం దేవస్థానం కొత్త ఈవోగా ఎస్‌ఎస్ చంద్రశేఖర్ ఆజాద్ బాధ్యతలు తీసుకున్నారు. దాంతో పాటు మల్లికార్జున స్వామి, అమ్మవార్లను దర్శించుకున్నారు.  అనంతరం దేవస్థానానికి కొత్త ఈవోగా పదవీ బాధ్యతలు(Charged) స్వీకరించారు. ఈ కార్యక్రమంలో పలువురు అధికారులు పాల్గొన్నారు. గత నెలలో శ్రీశైలం ఈవోగా ఉన్న పెద్దిరాజును బదిలీ చేశారు. ఆలయంలో అసిస్టెంట్ కమిషనర్‌గా ఉన్న చంద్రశేఖర్ రెడ్డిని ఇంఛార్జ్ ఈవోగా నియమించారు. రాయలసీమ ఆర్జేసీగా ఉన్న చంద్రశేఖర్ ఆజాద్‌ను శ్రీశైలం దేవస్థానానికి పూర్తిస్థాయి ఈవోగా దేవదాయశాఖ గత వారం ఉత్తర్వులు ఇచ్చింది.