Andhra Pradesh
భార్యల చేత భర్తలు హత్యకు గురవుతున్న దారుణాలు: దేశవ్యాప్తంగా కలకలం
ఇటీవలి కాలంలో వివిధ రాష్ట్రాల్లో భార్యలు తమ భర్తలను హత్య చేసిన ఘోరమైన సంఘటనలు వెలుగుచూస్తున్నాయి. తెలంగాణలోని సైదాబాద్‌లో ఒక మహిళ తన భర్తకు తాటి కల్లులో నిద్రమాత్రలు కలిపి ఇచ్చి హత్య చేసిన ఘటన కలకలం రేపింది. ఉత్తరప్రదేశ్‌లో రెండు దారుణాలు చోటు చేసుకున్నాయి. మహోబా జిల్లాలో మధు అనే మహిళ తన భర్త శ్రీకుమార్‌కు విషం కలిపిన టీ ఇచ్చి చంపగా, కౌశాంబి జిల్లాలో కార్వాచౌత్ రోజు భర్తకు భోజనంలో విషం కలిపి హతమార్చింది. ఝార్ఖండ్‌లో సునీతా సింగ్ అనే యువతి pesticide కలిపిన చికెన్ వండిచ్చి భర్త బుధనాథ్‌ను హత్య చేసినట్టు పోలీసులు వెల్లడించారు.
ఇక కర్ణాటకలో చైత్ర అనే మహిళ భర్తతోపాటు తన పిల్లలు, అత్తకు విషపూరిత ఆహారం ఇచ్చి నిందితురాలిగా అరెస్టయింది. బిహార్‌లో బెల్మతి దేవి అనే మహిళ భర్తను తరచూ వేధింపులకు గురిచేస్తున్నాడని ఆరోపించి విషమిచ్చి చంపింది. అదే రాష్ట్రంలో మరో ఘటనలో ప్రియాంకా దేవి అనే యువతి, Holi రోజున తన భర్తను రాళ్లతో కొట్టి, గొంతు కోసి దారుణంగా హతమార్చింది. తమిళనాడులో కవిత అనే మహిళ, భర్త తాగే మద్యంలో విషం కలిపిన ఘటనలో భర్తతోపాటు అతడి స్నేహితుడు కూడా చనిపోయాడు. ఈ ఘటనలన్నీ ప్రేమ వ్యవహారాలు, వివాహేతర సంబంధాలు, కుటుంబ కలహాలు అనే కారణాల వల్లే జరిగి ఉండొచ్చన్న అనుమానాలు వ్యక్తమవుతున్నాయి. ప్రస్తుతం ఈ కేసులన్నీ సంబంధిత రాష్ట్రాల్లో న్యాయపరంగా విచారణకు లోనవుతున్నాయి.
