Entertainment
సుమతీ శతకం’ మూవీ రివ్యూ: అమర్దీప్ వెండితెర కల నెరవేరిందా? బుల్లితెర స్టార్ సినిమా ఎలా ఉంది?
“మళ్ళీ వీళ్లేనా? రోజు టీవీలో చూసే మొహాలే థియేటర్లో కూడా చూడాలా?”—ఇలాంటి విమర్శలు సీరియల్ నటులకు వెన్నతో పెట్టిన విద్య. కానీ, సినిమాపై ఉన్న ఫ్యాషన్తో బుల్లితెర సెలబ్రిటీ హోదాని కూడా పక్కన పెట్టి వెండితెరపై అదృష్టాన్ని పరీక్షించుకుంటారు. అలా ‘బిగ్ బాస్’ ఫేమ్, సీరియల్ స్టార్ అమర్దీప్ హీరోగా నటించిన చిత్రమే ఈ ‘సుమతీ శతకం’. మరి ఈ సినిమా అమర్దీప్కు హిట్ ఇచ్చిందా? కథలో పస ఎంత? చూద్దాం.
కోనసీమలోని వైకుంఠపురానికి చెందిన కృష్ణ (అమర్దీప్)కి పెళ్లి అంటే విపరీతమైన పిచ్చి. ఊరిలో ఎవరి పెళ్లి జరిగినా తనే ముందుండి హడావుడి చేస్తూ, తనకి ఎప్పుడు పెళ్లి అవుతుందా అని ఎదురుచూస్తుంటాడు. ఈ క్రమంలో ఒక జ్యోతిష్కుడు “నీకు ఒక దేవత లాంటి అమ్మాయి భార్యగా వస్తుంది” అని చెబుతాడు.
అనుకున్నట్లుగానే పక్క ఊరిలో అంగన్వాడీ టీచర్గా పనిచేసే సుమతీ (సైలీ చౌదరి)ని చూసి తొలిచూపులోనే ప్రేమలో పడతాడు. సుమతీ కూడా గ్రీన్ సిగ్నల్ ఇస్తుంది కానీ, ఒక కండిషన్ పెడుతుంది. “నన్ను పెళ్లి చేసుకోవాలంటే నీకు ధైర్యం ఉండాలి.. ఒకసారి శుక్రవారం మా ఊరికి రా” అని పిలుస్తుంది. తీరా ఆ శుక్రవారం కృష్ణ అక్కడ ఏం చూశాడు? ఆ దేవత లాంటి సుమతీ రూపం భయంకరంగా ఎందుకు మారింది? చివరికి వీరిద్దరూ ఒకటయ్యారా లేదా అన్నదే అసలు ట్విస్ట్.
ట్రైలర్ చూసినప్పుడు ఒక డిఫరెంట్ హారర్ కామెడీ లేదా ఎమోషనల్ డ్రామా అనిపించినా, థియేటర్లో మాత్రం ఆ అంచనాలను అందుకోవడంలో సినిమా తడబడింది.
-
నటన: అమర్దీప్ తన ఎనర్జీని మొత్తం ధారపోశాడు. అయితే, అతని నటనలో రవితేజ బాడీ లాంగ్వేజ్, డైలాగ్ డెలివరీ స్పష్టంగా కనిపిస్తాయి. తనదైన ముద్ర వేయడానికి ఇంకా కష్టపడాలి. డ్యాన్స్లలో మాత్రం అదరగొట్టాడు.
-
కామెడీ: టేస్టీ తేజ, అమర్దీప్ కాంబినేషన్ కామెడీ పండిస్తుందని ఆశిస్తే.. అది కాస్తా ఓవర్ యాక్షన్గా మారి సాగదీసినట్లు అనిపిస్తుంది. మహేష్ విట్టా తన మార్కు కామెడీతో అక్కడక్కడ కాస్త ఉపశమనం కలిగించాడు.
-
హీరోయిన్: సైలీ చౌదరి లవ్ సీన్స్లో బాగానే ఉన్నా, అమ్మవారి అంశ ఆవహించిన సీన్స్లో ఆమె నటన అంతగా పండలేదు. ఆడియన్స్కి ఆ ఇంపాక్ట్ కలగలేదు.
-
సాంకేతిక విభాగం: సినిమాటోగ్రఫీ పల్లెటూరి అందాలను బాగా చూపించింది. సంగీతం, ముఖ్యంగా ‘చిట్టి చిట్టి సుమతీ’ సాంగ్ ప్లజెంట్గా ఉంది. బ్యాక్ గ్రౌండ్ స్కోర్ పర్వాలేదు.
ప్లస్ పాయింట్స్:
-
అమర్దీప్ ఎనర్జిటిక్ పర్ఫార్మెన్స్ & డ్యాన్స్
-
మహేష్ విట్టా కామెడీ టైమింగ్
-
పాటలు మరియు విజువల్స్
మైనస్ పాయింట్స్:
-
బలహీనమైన కథనం (Screenplay)
-
వర్కవుట్ కాని కామెడీ ట్రాక్స్
-
క్లైమాక్స్ అంత ఎఫెక్టివ్గా లేకపోవడం
-
సినిమా కంటే సీరియల్ సాగదీతలా అనిపించే కొన్ని సన్నివేశాలు
