సరిగమలే రోగాలకు ఔషధం!

ఒకప్పుడు సంగీతం అంటే వినోదం మాత్రమే అనుకునే రోజులు. కానీ కాలక్రమేణా సంగీతంలో ఎంతో గొప్ప శక్తి ఉందన్న సంగతి ప్రపంచానికి తెలిసి వచ్చింది. “సంగీతానికి రాళ్లను కూడా కరిగించే శక్తి ఉంది” అనే మాటలు విన్నారా? విన్నవారికి తెలిసిన విషయం ఇదే.. కానీ సంగీతానికి అంతకంటే గొప్ప గుణం ఉందని చాలామందికి తెలియదు. అదే మ్యూజిక్ థెరపీ.

ఒక చిన్న ఉదాహరణ తీసుకోండి. నిత్యం ఉద్యోగ ఒత్తిడిలో ఉండే శేఖర్ అనే యువకుడు. రాత్రిళ్లు పడుకున్నా నిద్ర రాదు. రోజంతా పని.. రాత్రంతా ఆలోచనలు.. ఇలా రోజులు గడిచిపోయాయి. చివరకు డాక్టర్ల దగ్గరకు వెళ్లాడు. మందులు వాడాడు కానీ ప్రయోజనం లేకుండా పోయింది. అప్పుడే ఓ మిత్రుడు “మ్యూజిక్ థెరపీ” గురించి చెప్పాడు. రోజూ పడుకునే ముందు 15 నిమిషాలు మృదువైన సంగీతాన్ని వినాలని సూచించాడు. ఆశ్చర్యం ఏమిటంటే.. కొన్ని రోజుల్లోనే శేఖర్ నిద్ర బాగా రాబడింది. అంతే కాదు.. ఉదయాలు లేచినప్పుడు అంతకుముందులా అలసట ఉండకపోవడం గమనించాడు.

ఇలా సంగీతం శరీరానికే కాకుండా మనసుకీ ఔషధంగా మారింది.

మ్యూజిక్ థెరపీ అంటే ఏంటి?

ఇది కొత్తగా వచ్చిన చికిత్సా పద్ధతి కాదు. మన పురాణాలలో కూడా సంగీతంతో రోగాలను నివారించిన కథలు ఉన్నాయి. అయితే ఆధునికంగా దీనిని “థెరపీ” అనే పేరు పెట్టారు. ఇందులో ప్రత్యేకంగా శరీరంలో ఒత్తిడిని తగ్గించే రాగాలను, శబ్దాలను ఉపయోగిస్తారు. ఈ సంగీతం వినడం ద్వారా మన మెదడులో హ్యాపీ హార్మోన్లుగా పిలిచే ఎండార్ఫిన్స్, డోపమైన్ వంటి రసాయనాలు విడుదలవుతాయి. వాటి ప్రభావంతో మనం మానసికంగా హాయిగా ఫీల్ అవుతాం.

మైగ్రేన్ ఉన్నవారికి ఎంతగానో ఉపయోగపడుతుంది. ఆ వేధించే తలనొప్పిని తగ్గించడానికి మెలోడీయస్ మ్యూజిక్ వింటే మెదడులో ఉన్న క్షోభ తగ్గుతుంది. నిద్రలేమితో బాధపడే వాళ్లు రాత్రిళ్లు మృదువైన సంగీతాన్ని వింటే నిద్రలోకి ఆలస్యంగా కాదు.. సాఫీగా జారుకుంటారు.

సంగీతం వినడంలో విశేషం ఏంటంటే..

• రక్తప్రసరణ మెరుగవుతుంది

• గుండె నొప్పులకు ఉపశమనం కలుగుతుంది

• డిప్రెషన్ తగ్గుతుంది

• మానసిక ఉల్లాసం పెరుగుతుంది

మనలో చాలా మంది మనసు క్షోభలో ఉన్నప్పుడు మనకు నచ్చిన పాటలు వింటే ఆ బాధంతా కొంత మేరకు తగ్గిన అనుభూతి కలుగుతుంది కదా? అదే మ్యూజిక్ థెరపీ సూత్రం.

ప్రపంచవ్యాప్తంగా ఇప్పుడీ సంగీత చికిత్సని ఆసుపత్రుల్లోనూ ఉపయోగిస్తున్నారు. ప్రత్యేకంగా కొన్ని హాస్పిటల్స్‌లో పిల్లల కోసం, కాన్సర్ రోగుల కోసం సంగీత కార్యక్రమాలు నిర్వహిస్తారు. ఎందుకంటే.. మనసు హాయిగా ఉన్నప్పుడు శరీరం కూడా త్వరగా కోలుకుంటుంది.