వినాయక చవితి ఏ రోజు జరుపుకోవాలి?

వినాయక చవితి నిర్వహణపై ప్రజల్లో కొంత గందరగోళం నెలకొంది. ఈ నెల 22, 23 తేదీల్లో అమావాస్యలు రావడంతో చవితి ఏ రోజు జరపాలో అనేక సందేహాలు వచ్చాయి. దీనిపై షాద్నగర్ వేదపండితులు స్పష్టతనిచ్చారు.

వారి ప్రకారం భాద్రపద శుక్ల చవితి ఈ నెల 27న వస్తుందని, అదే రోజు వినాయక చవితి ఉత్సవాలు జరుపుకోవాలని సూచించారు. వినాయక పూజ నిర్వహించుకోవడానికి ఉదయం 11:05 గంటల నుంచి మధ్యాహ్నం 1:40 గంటల వరకు శుభముహూర్తం అందుబాటులో ఉందని తెలిపారు.

అదే విధంగా, వినాయక నిమజ్జనాన్ని సెప్టెంబర్ 6న నిర్వహించాలని పండితులు స్పష్టం చేశారు.

కాబట్టి, గణపయ్య భక్తులు ఈ నెల 27న వినాయక చవితి ఉత్సవాలను ఘనంగా జరుపుకుని, సెప్టెంబర్ 6న నిమజ్జనం చేయాల్సి ఉంటుంది.