మానసిక ఆరోగ్యానికి కొత్త దారులు.. ‘క్రైయింగ్ క్లబ్’పై నెట్టింట చర్చ

మానసిక ఒత్తిడిని తగ్గించుకోవడం కోసం ముంబైలో ప్రారంభమైన వినూత్న వేదిక ‘క్రైయింగ్ క్లబ్’ గురించి ప్రస్తుతం సోషల్ మీడియాలో విస్తృతంగా చర్చ జరుగుతోంది. మనస్సులోని భావోద్వేగాలను బయటపెట్టుకోవడానికి, ఏడవడానికి సురక్షితమైన వాతావరణాన్ని అందించే ఈ క్లబ్, మానవ సంబంధాల్లో మారుతున్న దృక్పథాన్ని ప్రతిబింబిస్తోంది. ఒత్తిడితో బాధపడేవారికి ఇది ఓ భావోద్వేగ రాహదారి లాంటిదిగా మారిందని నిర్వాహకులు చెబుతున్నారు.

ఈ క్లబ్ ద్వారా ప్రజలు తమ బాధలను, అసహనాన్ని, అంతరంగిక గాయాలను ఏడుపుతో వ్యక్తపరచవచ్చు. ముఖ్యంగా సామాజికంగా “ఎడవటం బలహీనత” అనే అభిప్రాయానికి వ్యతిరేకంగా ఈ వేదిక నిలుస్తోంది. ఏడవడం శరీరానికి, మానసిక ఆరోగ్యానికి సహజమైన మార్గమని, అది నొప్పిని తేలిక చేయడమే కాదు, బాధను ఆమోదించేలా మారుస్తుందని నిపుణులు అభిప్రాయపడుతున్నారు. ఈ తరహా ప్రయత్నాలు ఎమోషనల్ వెల్బీయింగ్ పట్ల ప్రజల్లో అవగాహనను పెంచనున్నాయి.

‘క్రైయింగ్ క్లబ్’లాంటి వేదికలు ఇప్పటి తరానికి అవసరమని నెటిజన్లు అభిప్రాయపడుతున్నారు. జీవిత పోరాటాల్లో ఒత్తిడికి గురవుతున్న యువతకు, వర్కింగ్ ప్రొఫెషనల్స్‌కి, గృహిణులకి కూడా ఇది మానసిక శాంతిని అందించే అవకాశముందని చెప్పుకుంటున్నారు. సోషల్ మీడియా వేదికలలో ఈ క్లబ్‌ను మెచ్చుకుంటూ, ఇతర నగరాల్లో కూడా ఇలాంటి వేదికలు ఏర్పాటు కావాలన్న డిమాండ్ వినిపిస్తోంది.