Andhra Pradesh
డైరెక్టర్గా నాకు నాగార్జున జన్మనిచ్చారు: RGV
హైదరాబాద్‌: ప్రముఖ దర్శకుడు రామ్‌గోపాల్‌ వర్మ (RGV) తన కెరీర్‌ గురించిన ఓ ఆసక్తికరమైన విషయాన్ని తాజాగా పంచుకున్నారు. తల్లిదండ్రులు వ్యక్తిగా తనకు జన్మనిచ్చినా, దర్శకుడిగా తనకు నాగార్జునే జన్మనిచ్చారని ఆయన పేర్కొన్నారు.
ఒక ఇంటర్వ్యూలో మాట్లాడిన వర్మ, “శివ సినిమా సమయంలో నేను నమ్మినదే చేయాలని నాగ్ పట్టుబట్టారు. ఆ సమయంలో నాకు అనుభవం లేకపోయినా, 100 శాతం నన్ను నమ్మింది ఆయనే. ఎన్నో ఇబ్బందులు వచ్చినా నా వెంట నిలబడ్డారు. ఆ విశ్వాసమే నన్ను డైరెక్టర్గా నిలబెట్టింది” అని వెల్లడించారు.
తెలుగు సినీ పరిశ్రమలో వర్మ–నాగార్జున కాంబినేషన్‌ ‘శివ’ సినిమాతోనే కొత్త దిశను చూపించింది. ఆ సినిమా ట్రెండ్‌సెట్టర్‌గా నిలిచి, కొత్త తరహా టెక్నిక్స్‌, రియలిస్టిక్‌ ట్రీట్‌మెంట్‌తో టాలీవుడ్‌కు కొత్త యుగాన్ని తెరిపించింది. అప్పటి నుంచి వర్మకు దర్శకుడిగా ప్రత్యేక గుర్తింపు వచ్చింది.
