గుడివాడ అమర్నాథ్ సంచలన వ్యాఖ్యలు: చంద్రబాబు మరో దుబాయ్ శ్రీను!

వైఎస్సార్ కాంగ్రెస్ పార్టీ సీనియర్ నేత, మాజీ మంత్రి గుడివాడ అమర్నాథ్ ముఖ్యమంత్రి చంద్రబాబుపై తీవ్ర ఆరోపణలు చేశారు. అవినీతిపరుడిగా వ్యవహరిస్తూ, దొంగ సొమ్మును దాచేందుకు సింగపూర్ ప్రయాణం చేపట్టారని ఆయన విమర్శించారు. “చంద్రబాబు ఎప్పుడు అధికారంలోకి వచ్చినా, వెంటనే సింగపూర్ వెళ్తారు. ఇది మామూలు యాదృచ్ఛికం కాదు. ఆయన వద్ద ఉన్న అవినీతి సంపద అంతా అక్కడ దాచి ఉంచేందుకు అంతర్జాతీయ స్థాయిలో కుట్ర చేస్తున్నారన్న అనుమానం కలుగుతోంది” అని అమర్నాథ్ పేర్కొన్నారు.

ఆయన మాట్లాడుతూ, “దుబాయ్ శ్రీను మాదిరిగా ఇప్పుడు చంద్రబాబును కూడా ‘సింగపూర్ బాబు’గా పిలవాలి. ఆయన ప్రతి ప్రభుత్వ కాలంలో సింగపూర్ టూర్‌లు తప్పకుండా ఉంటాయి. ఈసారి కూడా అదే జరిగిందంటూ ప్రజల మద్దతుతో అధికారంలోకి వచ్చిన నాయకుడు ఇలా జాతికి అవమానకరంగా ప్రవర్తించడం శోచనీయం,” అని విమర్శల వర్షం కురిపించారు. ఆయన ప్రయాణాల వెనుక రాజకీయ వ్యూహాలు లేవని, అవినీతి దాగుడు మూతలే ఉన్నాయని గుడివాడ ఆరోపించారు.

అంతేకాక, సింగపూర్ ప్రపంచంలోనే అత్యంత అవినీతి దేశాల్లో ఒకటిగా నిలుస్తుందన్న వాదనను కూడా అమర్నాథ్ వినిపించారు. “అలాంటి దేశంతో ప్రభుత్వ స్థాయిలో సంబంధాలు పెంచుకోవడంలో లాజిక్ ఏంటి? ఎలాంటి పారదర్శకత లేకుండా ఆర్థిక లావాదేవీలు జరగే ప్రాంతాల్లో చంద్రబాబు గాలి మార్పులంటూ తిరగడం వెనక అసలు నిజాలు బయటపడాలి,” అని డిమాండ్ చేశారు. ఈ వ్యాఖ్యలు తెలుగుదేశం శ్రేణుల్లో తీవ్ర చర్చకు దారి తీస్తున్నాయి.