Latest Updates
గుకేశ్‌కు ప్రముఖుల ప్రశంసల వెల్లువ
నార్వేలో జరిగిన 2025 చెస్ వరల్డ్ ఛాంపియన్షిప్‌లో భారత చెస్ సంచలనం గుకేశ్ దొమ్మరాజు, వరల్డ్ నంబర్ 1 ఆటగాడు మాగ్నస్ కార్ల్సన్‌పై అద్భుత విజయం సాధించి చరిత్ర సృష్టించాడు. ఈ విజయంతో గుకేశ్‌కు దేశవ్యాప్తంగా ప్రముఖుల నుంచి శుభాకాంక్షలు వెల్లువెత్తాయి.
ప్రధానమంత్రి నరేంద్ర మోదీ గుకేశ్ విజయాన్ని కొనియాడుతూ, “ఈ విజయం గుకేశ్ నిబద్ధతకు, అసాధారణ ప్రతిభకు నిదర్శనం” అని ట్వీట్ చేశారు. ఆంధ్రప్రదేశ్ ముఖ్యమంత్రి నారా చంద్రబాబు నాయుడు హృదయపూర్వక శుభాకాంక్షలు తెలియజేస్తూ, గుకేశ్ ఈ విజయంతో యువతకు స్ఫూర్తిగా నిలిచాడని పేర్కొన్నారు. ఉపముఖ్యమంత్రి పవన్ కళ్యాణ్, “గుకేశ్.. నీవు దేశం గర్వపడేలా చేశావ్” అంటూ ప్రశంసలు కురిపించారు. మంత్రి నారా లోకేశ్ కూడా ఈ చరిత్రాత్మక విజయాన్ని సాధించిన గుకేశ్‌కు శుభాకాంక్షలు తెలిపారు.
గుకేశ్ ఈ అసాధారణ విజయంతో భారత చెస్ రంగంలో కొత్త ఒరవడిని సృష్టించాడు. అతడి ఈ ఘనత దేశవ్యాప్తంగా యువ చెస్ ఆటగాళ్లకు ప్రేరణగా నిలుస్తోంది.
