కివీస్‌పై కెనడా కుర్రాడి గర్జన: 58 బంతుల్లోనే యువరాజ్ సెంచరీ.. న్యూజిలాండ్‌కు భారీ టార్గెట్!

ఐసీసీ టీ20 వరల్డ్‌కప్ 2026లో అసలైన మజా మొదలైంది. గ్రూప్ స్టేజ్‌లో భాగంగా న్యూజిలాండ్‌తో జరుగుతున్న కీలక పోరులో కెనడా బ్యాటర్లు ఆకాశమే హద్దుగా చెలరేగారు. ముఖ్యంగా 19 ఏళ్ల యువ బ్యాటర్ యువరాజ్ సమ్రా శతకంతో కివీస్ బౌలర్లను ముప్పుతిప్పలు పెట్టాడు.యువరాజ్ విధ్వంసం కేవలం 58 బంతుల్లోనే సెంచరీ మార్కును అందుకున్న యువరాజ్, మొత్తం 65 బంతుల్లో 110 పరుగులు (11 ఫోర్లు, 6 సిక్సర్లు) చేసి రికార్డు సృష్టించాడు.భారీ భాగస్వామ్యం ఓపెనర్లు యువరాజ్, దిల్‌ప్రీత్ బజ్వా తొలి వికెట్‌కు 14 ఓవర్ల పాటు క్రీజులో నిలిచి 116 పరుగుల భాగస్వామ్యాన్ని నెలకొల్పారు.కెనడా స్కోరు, నిర్ణీత 20 ఓవర్లలో కెనడా 173/4 పరుగుల భారీ స్కోరు సాధించింది.కివీస్ బౌలర్ల తడబాటు కైల్ జెమీసన్, జేమ్స్ నీషమ్ ఓవర్‌కు 10 పరుగులకు పైగా సమర్పించుకోగా.. మ్యాట్ హెన్రీ, డప్ఫీ తలో వికెట్ పడగొట్టారు.

శ్రీలంక ఆటగాడు నిస్సంక ఆస్ట్రేలియాపై సెంచరీ చేసిన మరుసటి రోజే, ఒక అసోసియేట్ దేశానికి చెందిన యువరాజ్ ఈ ఫీట్ సాధించడం క్రికెట్ ప్రపంచాన్ని ఆశ్చర్యపరిచింది. సూపర్-8 రేసులో ఉండాలంటే తప్పక గెలవాల్సిన మ్యాచ్‌లో న్యూజిలాండ్ ఇప్పుడు 174 పరుగుల లక్ష్యంతో బరిలోకి దిగుతోంది.