ఏపీ ప్రభుత్వం నుంచి శుభవార్త.. ఉద్యోగుల ఖాతాల్లోకి జీతాల విడుదల

ఆంధ్రప్రదేశ్ ప్రభుత్వం ప్రభుత్వ జూనియర్ కళాశాలల్లో పనిచేస్తున్న గెస్ట్ లెక్చరర్లకు గౌరవ వేతనాల బకాయిలు విడుదల చేస్తున్నట్లు ఒక కీలక నిర్ణయం తీసుకుంది. రాష్ట్రవ్యాప్తంగా గెస్ట్ లెక్చరర్ల జీతాల కోసం రూ.15.75 కోట్ల నిధులను ప్రభుత్వం విడుదల చేసింది. 2024-25 ఆర్థిక సంవత్సరానికి సంబంధించిన పెండింగ్ బకాయిలతో పాటు ఈ ఏడాది డిసెంబర్ వరకు చెల్లించాల్సిన గౌరవ వేతనాలకు ఈ నిధులను కేటాయించినట్లు అధికారులు చెప్పారు.

ఎన్నాళ్లుగా పెండింగ్‌లో ఉన్న జీతాలు ఇప్పుడు నేరుగా లెక్చరర్ల బ్యాంక్ ఖాతాల్లో జమ అవుతుండటంతో, గెస్ట్ లెక్చరర్లు ఆనందం వ్యక్తం చేస్తున్నారు. జీతాల విడుదల వల్ల ఆర్థిక ఒత్తిడి తగ్గిందని, తమ సమస్యలను గుర్తించి పరిష్కరించిన ప్రభుత్వానికి కృతజ్ఞతలు తెలిపారు.

ఇదే సమయంలో, ప్రభుత్వానికి జర్నలిస్టుల సంక్షేమంపై కూడా సానుకూలంగా స్పందించింది. రాష్ట్రంలో అర్హత కలిగిన ప్రతి జర్నలిస్టుకు అక్రిడేషన్ కార్డులు జారీ చేయాలని ప్రభుత్వం నిర్ణయించింది అని మంత్రి పార్థసారథి తెలిపారు. ముఖ్యమంత్రి చంద్రబాబు నాయుడు అర్హులైన జర్నలిస్టుల కోసం ఇళ్ల స్థలాల కేటాయింపుపై సానుకూలంగా ఉన్నారని చెప్పారు.

సోషల్ మీడియా, యూట్యూబ్ వేదికల ద్వారా వార్తలు అందిస్తున్నవారికి కూడా అక్రిడేషన్ ఇవ్వాలనే డిమాండ్ పరిశీలనలో ఉంది. ఈ అంశంపై సమగ్ర అధ్యయనం చేసేందుకు ప్రభుత్వం ప్రత్యేక కమిటీని ఏర్పాటు చేయాలని నిర్ణయించింది. అక్రిడేషన్ నిబంధనలు, ఇళ్ల స్థలాల కేటాయింపుపై త్వరలో స్పష్టత ఇస్తామని మంత్రి వెల్లడించారు.

మరోవైపు, ఈ నెల 26న రాష్ట్రవ్యాప్తంగా అన్ని పంచాయతీల్లో గ్రామసభలు నిర్వహించబడనున్నాయి. జాతీయ గ్రామీణ ఉపాధి హామీ పథకం స్థానంలో అమలులోకి వచ్చిన వికసిత భారత్ – గ్యారంటీ ఫర్ రోజ్ కార్యక్రమం, ఆజీవికా మిషన్ వంటి కొత్త పథకాలపై ప్రజలకు అవగాహన కల్పించడమే ఈ గ్రామసభల ప్రధాన లక్ష్యమని చెప్పారు.

ఈ గ్రామసభల్లో కార్మికులు, గ్రామ ప్రజలకు కొత్త పథకాలకు ముఖ్య నిబంధనలు, వారికి ఉన్న చట్టబద్ధ హక్కులు వివరించబడతాయి. కేంద్ర గ్రామీణాభివృద్ధి మంత్రిత్వ శాఖ ఆదేశాల మేరకు ఈ కార్యక్రమాన్ని విజయవంతంగా నిర్వహించేందుకు రాష్ట్ర ప్రభుత్వానికి తగిన ఏర్పాట్లు చేయాలని సూచించింది. ఈ గ్రామసభలు ప్రజలకు ప్రభుత్వ పథకాలపై పూర్తి అవగాహన కల్పించే కీలక వేదికగా నిలవనున్నాయి.

#APGovt#GuestLecturers#SalaryReleased#JournalistAccreditation#MediaWelfare#GramSabha#GovernmentSchemes#APNews