ఏఐ వల్ల ఉద్యోగాలకు పెను ముప్పు! ప్రపంచవ్యాప్తంగా అనేక రంగాల్లో ఉద్యోగ భద్రతపై మేఘాలు.

ప్రస్తుత డిజిటల్ యుగంలో ఆర్టిఫిషియల్ ఇంటెలిజెన్స్ (ఏఐ) వేగంగా అభివృద్ధి చెందుతున్న నేపథ్యంలో, ప్రపంచవ్యాప్తంగా ఉద్యోగాలపై పెనుముప్పు పొంచి ఉంది. వేలాది మంది నిరుద్యోగులయ్యే ప్రమాదం ముప్పుతిప్పలు పెడుతోంది. అనేక కంపెనీలు ఇప్పటికే తమ కార్యకలాపాల్లో ఆటోమేషన్‌ను వేగంగా అమలు చేస్తూ, మానవ శ్రమపై ఆధారపడకుండా పనులను కచ్చితంగా, సమర్థవంతంగా పూర్తి చేసే విధానాన్ని స్వీకరిస్తున్నాయి.

ఈ పరిణామం వల్ల అనేక రంగాల్లో ఉద్యోగ అవకాశాలు తగ్గిపోతున్నాయి. ముఖ్యంగా టెక్నాలజీ రంగంలో ఇది స్పష్టంగా కనిపిస్తోంది. సిలికాన్ వ్యాలీ నుంచి హైదరాబాదులోని హైటెక్ సిటీ వరకు అనేక ఐటీ ఉద్యోగులు భవిష్యత్తుపై గుబులు గుబులుగా ఉన్నారు. “ఎప్పుడు ఉద్యోగం పోతుందో తెలియడం లేదు” అనే భయం వారిలో పెరుగుతోంది.

పలు అంతర్జాతీయ కంపెనీలు, తమ ఉద్యోగుల్లో కొంతమందిని తొలగిస్తూ, ఏఐ ఆధారిత వ్యవస్థలకు మోజుపడుతున్నాయి. ప్రాజెక్ట్ మేనేజ్‌మెంట్, కస్టమర్ సపోర్ట్, డేటా అనాలసిస్ వంటి విభాగాల్లో ఇప్పటికే ఏఐ కీలక పాత్ర పోషిస్తోంది. ఇది ఉద్యోగుల అవసరాన్ని తగ్గిస్తోంది.

అనుభవజ్ఞుల హెచ్చరిక:

టెక్ రంగ నిపుణులు ఈ పరిణామాలను గమనిస్తూ, భవిష్యత్‌లో టెక్నాలజీతోపాటు మానవ మేధస్సు కూడా అవసరమని గుర్తు చేస్తున్నారు. “ఏఐ ఎంత శక్తివంతమైనదైనా, అది ఒక మనిషి ఎమోషన్, డిసిషన్ మేకింగ్‌, సృజనాత్మకతను పూర్తిగా భర్తీ చేయలేడు” అని కొందరు విశ్లేషకులు అభిప్రాయపడుతున్నారు. అయినప్పటికీ, ఏఐ వృద్ధి వేగాన్ని చూసి ఉద్యోగులు తమ నైపుణ్యాలను అప్‌డేట్ చేసుకోవడం తప్పనిసరని సూచిస్తున్నారు.

సమయానుకూల నిర్ణయాలు అవసరం:

భవిష్యత్‌ మార్కెట్‌కు తగిన విధంగా ఉద్యోగులు కొత్త నైపుణ్యాలను అభ్యసించడం, డేటా సైన్స్, ఏఐ మ