విశాఖలో ఐటీ విస్తరణ వేగం… కాగ్నిజెంట్ సహా 8 కంపెనీలు క్యాంపస్ నిర్మాణం ప్రారంభం

విశాఖపట్నంను దేశంలో ప్రముఖ ఐటీ కేంద్రంగా అభివృద్ధి చేయాలని లక్ష్యంగా పెట్టుకున్న ఆంధ్రప్రదేశ్ ప్రభుత్వం కీలక ముందడుగు వేసింది. నగరంలోని కాపులుప్పాడ ఐటీ హిల్స్‌లో మొత్తం ఎనిమిది ఐటీ సంస్థల కోసం కొత్త క్యాంపస్‌ల నిర్మాణానికి ముఖ్యమంత్రి నారా చంద్రబాబు నాయుడు శంకుస్థాపన చేశారు. ఈ జాబితాలో కాగ్నిజెంట్ వంటి ప్రముఖ అంతర్జాతీయ ఐటీ దిగ్గజం కూడా ఉండటం విశేషం. అలాగే, కాగ్నిజెంట్ తాత్కాలిక కార్యాలయాన్ని కూడా అదే రోజు ప్రారంభించారు.

శంకుస్థాపన కార్యక్రమంలో ముఖ్యమంత్రి చంద్రబాబుతో పాటు ఐటీ శాఖ మంత్రి నారా లోకేష్, పలు మంత్రులు, ప్రజాప్రతినిధులు మరియు కంపెనీల ప్రతినిధులు పాల్గొన్నారు. రాష్ట్రాన్ని నాలెడ్జ్ ఎకానమీ దిశగా తీసుకెళ్లాలన్న ప్రభుత్వ లక్ష్యంలో ఈ సంస్థలు కీలక పాత్ర పోషిస్తాయని సీఎం పేర్కొన్నారు.

🔹 ఐటీ కంపెనీల జాబితా

చంద్రబాబు శంకుస్థాపన చేసిన ఎనిమిది ఐటీ–ఐటీఈఎస్ సంస్థలు ఇవి:

• Cognizant Technology Solutions

• Tech Tammina

• Satva Developers

• Imaginovate Tech Solutions

• Fluentgrid Limited

• Mudharshan Technologies

• Quarks Technosoft

• ACN Healthcare & RCM Services

• Nanile Technologies

కాపులుప్పాడలో 21.31 ఎకరాల విస్తీర్ణంలో కాగ్నిజెంట్ తమ శాశ్వత క్యాంపస్‌ను రూ.1,583 కోట్లతో నిర్మిస్తోంది. మూడు దశల్లో ఈ ప్రాజెక్ట్ పూర్తికానుంది. మొదటి దశ 2029 నాటికి, మిగతా దశలు 2033 నాటికి సిద్ధమవుతాయని అధికారులు తెలిపారు. ప్రారంభ దశలోనే 8,000 మందికి పైగా ఉద్యోగాలు లభించే అవకాశం ఉంది.

ఇక రుషికొండలోని ఐటీ హిల్–2లో మహతి ఫిన్‌టెక్ భవనంలో కాగ్నిజెంట్ తాత్కాలిక కార్యాలయం ఏర్పాటైంది. వెయ్యిసీట్ల సామర్థ్యంతో రూపొందించిన ఈ సదుపాయం శాశ్వత భవనం సిద్ధం అయ్యే వరకు కార్యకలాపాలు కొనసాగనుంది.

🔹 సీఎం చంద్రబాబు కీలక వ్యాఖ్యలు

కార్యక్రమంలో మాట్లాడుతూ సీఎం చంద్రబాబు నాయుడు విశాఖను “మోస్ట్ హ్యాపీ సిటీ”గా మార్చడమే ప్రభుత్వ లక్ష్యమని తెలిపారు.

• త్వరలోనే విశాఖ మెట్రో సేవలు అందుబాటులోకి వస్తాయని,

• భోగాపురం అంతర్జాతీయ విమానాశ్రయం వచ్చే ఆగస్టు నాటికే ప్రారంభమవుతుందని వెల్లడించారు.

కాగ్నిజెంట్ భారతదేశంలో ఐదు ప్రధాన కేంద్రాలతో కార్యకలాపాలు నిర్వహిస్తోందనీ, ప్రస్తుతం 2.41 లక్షల భారతీయులు ఆ సంస్థలో పనిచేస్తున్నారనీ, అందులో 80% మంది ఇండియన్సేనని సీఎం వివరించారు. ఇంకా, విస్తరణ ప్రణాళికల కారణంగా సంవత్సరానికి మరో 25 వేల ఉద్యోగావకాశాలు కాగ్నిజెంట్ అందించనున్నదని కూడా చెప్పారు.

విశాఖపట్నం నాలెడ్జ్ హబ్‌గా అభివృద్ధి చెందుతున్న నేపథ్యంలో ఈ కొత్త ఐటీ పెట్టుబడులు నగరాభివృద్ధికి కొత్త ఊపు నిస్తాయనే అభిప్రాయాన్ని ఆయన వ్యక్తం చేశారు.

#VisakhapatnamITHub#AndhraPradesh #CognizantVizag#CMChandrababu#APITSector#VizagDevelopment#KapuluppadaITHills
#TechInvestments#APGrowthStory#BhogapuramAirport#VizagMetro#JobCreation