భూముల ధరల పతనంపై హరీశ్ రావు ఆవేదన… తెలంగాణలో రివర్స్ ట్రెండ్ అని వ్యాఖ్య

తెలంగాణలో భూముల ధరలు గణనీయంగా పడిపోయాయని మాజీ మంత్రి తన్నీరు హరీశ్ రావు ఆవేదన వ్యక్తం చేశారు. ఇటీవల ఆయన సిద్దిపేట జిల్లా గంగాపూర్ గ్రామానికి వెళ్లిన సందర్భంగా అక్కడి రైతులతో మాట్లాడారు. రైతులు తమ భూములు అమ్మాలనుకుంటే కూడా కొనేవాళ్లు కనిపించడం లేదని ఆయన వెల్లడించారు. ఒకప్పుడు రూ.40 లక్షల వరకు ఉన్న ఎకరం భూమి ధర ఇప్పుడు కేవలం రూ.20 లక్షలకు పడిపోయిందని పేర్కొన్నారు. ఇది రైతుల ఆర్థిక పరిస్థితులపైనా, భవిష్యత్తుపైనా ప్రభావం చూపుతోందని ఆయన ఆందోళన వ్యక్తం చేశారు.

ఆంధ్రప్రదేశ్, తెలంగాణల మధ్య భూలోకంలో మారిన దృశ్యాలను గుర్తు చేస్తూ హరీశ్ రావు ఆసక్తికర వ్యాఖ్యలు చేశారు. “ఒకప్పుడు తెలంగాణలో ఎకరం అమ్మితే ఆంధ్రాలో 10 ఎకరాలు కొనగలిగేవారు. కానీ ఇప్పుడు సీన్ రివర్స్ అయింది. ఆంధ్రాలో ఒక ఎకరం అమ్మితే, ఇక్కడ రెండు ఎకరాలు వస్తున్నాయి” అంటూ వ్యాఖ్యానించారు. భూలోకంలో ఇది తెలంగాణకు నష్టం కలిగించే పరిస్థితి అని, దీనికి కారణం ప్రస్తుత ప్రభుత్వం తీరే అని ఆయన విమర్శించారు.

ముఖ్యమంత్రి రేవంత్ రెడ్డి నేతృత్వంలోని కాంగ్రెస్ ప్రభుత్వం భూముల విలువను గణనీయంగా తగ్గించిందని హరీశ్ రావు ఆరోపించారు. “రేవంత్ రెడ్డి పాలన మొదలై రెండేళ్లు కూడా కాకముందే భూముల ధరలు సగం అయ్యాయి. పెట్టుబడిదారులు వెనక్కి తగ్గుతున్నారు. వ్యవసాయ భూములపై ఆసక్తి తగ్గుతోంది. ఇది రాష్ట్ర భవిష్యత్తుకే ముప్పు కలిగించే అంశం” అని ఆయన ఆగ్రహం వ్యక్తం చేశారు. రైతుల భద్రతకు, వ్యవసాయాభివృద్ధికి ప్రభుత్వం తక్షణ చర్యలు తీసుకోవాలని డిమాండ్ చేశారు.