Entertainment
తండ్రిని గుర్తుచేసుకుని హీరో నారా రోహిత్ ఎమోషనల్
భైరవం’ చిత్ర ప్రమోషన్ కోసం జరిగిన ఓ ఇంటర్వ్యూలో తండ్రి ప్రస్తావన రాగానే హీరో నారా రోహిత్ తీవ్ర భావోద్వేగానికి లోనయ్యారు. తండ్రి మరణం, ఆ తర్వాత సినిమా సెట్‌లోకి తిరిగి అడుగుపెట్టిన క్షణాలను గుర్తుచేసుకుంటూ ఆయన కంటతడి పెట్టారు.
“షూటింగ్ సమయంలో తండ్రి మరణించారు. ఆ పరిస్థితుల్లో ఓ పాట షూట్ చేయాల్సి వచ్చింది. నా కోసం 20 రోజుల పాటు సెట్‌ను అలానే ఉంచారు. పనిని పూర్తి చేయాలన్న సంకల్పంతోనే ముందుకు సాగాను. బాధలో ఉంటూ నవ్వాల్సి రావడం, భావోద్వేగాలతో ఆడుకోవడం చాలా కష్టం” అని ఆయన కంటతడితో వ్యక్తం చేశారు.
ఈ సందర్భంగా నారా రోహిత్ మాటలు ఆయనలోని సంకల్పాన్ని, వృత్తి నిబద్ధతను స్పష్టం చేస్తూ, ప్రేక్షకుల హృదయాలను కదిలించాయి. ‘భైరవం’ చిత్రం కోసం ఆయన చూపిన అంకితభావం సినీ అభిమానులను ఆకర్షిస్తోంది.
