Andhra Pradesh
గోవా గవర్నర్‌గా అశోక్ గజపతిరాజు ప్రమాణం
గోవా రాష్ట్ర నూతన గవర్నర్‌గా కేంద్ర మాజీ మంత్రి, సీనియర్ నేత అశోక్ గజపతిరాజు శుక్రవారం అధికారికంగా బాధ్యతలు స్వీకరించారు. పణజిలోని రాజ్ భవన్‌ లో ఉన్న బంగ్లా దర్బార్ హాలులో జరిగిన కార్యక్రమంలో ఆయన గవర్నర్‌గా ప్రమాణం చేశారు. ముంబయి హైకోర్టు గోవా బెంచ్‌ ప్రధాన న్యాయమూర్తి దీపాంకర్ దత్తా ఆయనతో గవర్నర్ ప్రమాణాన్ని చేయించారు. ఈ సందర్భంగా ఆయన గవర్నర్‌గా రాజ్యాంగబద్ధమైన విధులను నిష్పక్షపాతంగా నిర్వర్తిస్తానని ప్రతిజ్ఞ చేశారు.
ఈ కార్యక్రమానికి కేంద్ర మంత్రి కిన్జర్ రామ్మోహన్ నాయుడు, ఆంధ్రప్రదేశ్ రాష్ట్ర మంత్రులు నారా లోకేశ్, డాక్టర్ సంధ్యారాణి, కొండపల్లి శ్రీనివాస్ లు హాజరయ్యారు. టీడీపీ సీనియర్ నేతలైన పలువురు మాజీ ఎంపీలు, ఎమ్మెల్యేలు కూడా ఈ వేడుకకు హాజరై అశోక్ గజపతిరాజుకు అభినందనలు తెలిపారు. రాజకీయ జీవితంలో సుదీర్ఘ అనుభవం కలిగిన గజపతిరాజు రాష్ట్రానికి మేలుకలిగించేలా తన బాధ్యతలు నిర్వహిస్తారని నేతలు ఆశాభావం వ్యక్తం చేశారు. విశాఖపట్నం వాస్తవ్యుడైన ఆయనకు గోవా ప్రజలతో సాన్నిహిత్యం ఏర్పడాలని పలువురు ఆకాంక్షించారు.
