NBK 109 Title Teaser: డాకు మహారాజ్‌.. బాలయ్య నటించిన పాత్ర ఎవరిదీ..?

డాకు మహారాజ్‌గా బాలయ్య కనిపించబోతోన్నాడు. బాబీ తీస్తున్న ఈ ప్రాజెక్ట్ టైటిల్‌ను తాజాగా ప్రకటించారు. ఈ మేరకు వదిలిన టైటిల్ టీజర్ అదిరిపోయింది. ఇందులో బాలయ్య డాకు మహారాజ్‌గా కనిపించబోతోన్నాడు. అయితే ఎవరీ డాకు మహారాజ్? అతని కథ ఏంటి? ఎక్కడి వాడు? ఏం చేస్తుండేవాడు? అని ఇలా అందరూ గూగుల్ చేస్తున్నారు. డాకు మహారాజ్ టైటిల్ టీజర్‌లోనూ ఓ డైలాగ్ పెట్టాడు. ఇతనికి రాజ్యం లేదు కానీ మహారాజు.. యుద్దాలు చేస్తున్నట్టుగా చూపిస్తున్నాడు బాబీ. కానీ ఇతనొక బంధిపోటు దొంగ, డెకాయిట్ అని వికీ పీడియాలో ఉంది.

పంజాబ్, ఛంబల్ ప్రాంతాల్లో డాకు మాన్సింగ్ గురించి చాలా చెబుతుంటారు. చిన్నతనంలో అమితాబ్ లాంటి వారు ఈ డాకు మాన్సింగ్ గురించి విన్నారట.. డాకు మాన్సింగ్ అలియాస్ డాకు మహారాజ్ గురించి, ఆయన చేసే దోపీడీలు, తప్పించుకునే తీరు గురించి అందరూ చెబుతుంటే చిన్నతనంలో అమితాబ్ విని భయపడే వారని గతంలో చాలా ఇంటర్వ్యూల్లో చెప్పాడు. ఇక ఉత్తరాంధ్రలోనూ డాకు మహారాజ్ ఫేమస్ అని తెలుస్తోంది. ఇలా దొంగతనాలు చేసి పేదోళ్లకు సాయం చేసేవాడని తెలుస్తోంది.

మరి బాబీ ఈ పాత్రను ఇన్ స్పైర్ అయి బాలయ్యతో డాకు మహారాజ్ సినిమాను తీశాడా? అదే పాత్రను బాలయ్య పోషిస్తున్నాడా? అన్నది చూడాలి. ఇక ఇది చాలా శాంపిల్ అని, సినిమాలో ఐదు బ్లాక్స్ ఉంటాయని, అవి చూస్తే మైండ్ బ్లాక్ అవుతుందని అన్నాడు. ఇంటర్వెల్ సీన్‌లో బాలయ్య, బాబీని చూస్తే షాక్ అవుతారు అని అన్నాడు.

ఈ కథ వెలుగుల్ని పంచే దేవుళ్లది కాదు.. చీకట్లను శాసించే రాక్షసులది కాదు.. రాక్షసులను ఆడించే రావణుడిదీ కాదు.. ఈ కథ రాజ్యం లేకుండా యుద్దం చేసిన రాజు కథ.. గండ్రగొడ్డలి పట్టిన యమ ధర్మరాజుది.. మరణాన్నే వణికించిన మహారాజుది అంటూ బాబీ రాసిన, చెప్పిన డైలాగ్స్ అదిరిపోయాయి. ఇక బాలయ్య ఎంట్రీకి తమన్ ఇచ్చిన ఆర్ఆర్ నెవ్వర్ బిఫోర్ అనిపించేలా ఉంది.