హైదరాబాద్‌లో స్వల్పంగా తగ్గిన బంగారం ధరలు – వెండి మాత్రం పెరిగింది

హైదరాబాద్:
బంగారం ధరలు ఇవాళ మార్కెట్‌లో కొంతవరకూ తగ్గుదల నమోదు చేశాయి. గడచిన కొన్ని వారాలుగా వరుసగా పెరుగుతూ వచ్చిన పసిడి ధరలు ఈరోజు స్వల్పంగా తగ్గడం వినియోగదారులకు కొంత ఊరటనిచ్చింది.

హైదరాబాద్ నగరంలో 24 క్యారెట్ల బంగారం ధర 10 గ్రాములకు ₹440 తగ్గి ₹97,640 వద్ద స్థిరపడింది. ఇదే సమయంలో 22 క్యారెట్ల బంగారం 10 గ్రాముల ధర ₹400 తగ్గి ₹89,500గా నమోదైంది. బంగారం ధరలో ఈ తక్కువ మొత్తంలో అయినా తగ్గుదల వల్ల బంగారం కొనుగోలు చేయాలని భావిస్తున్న వినియోగదారులలో ఆసక్తి పెరిగే అవకాశముందని నిపుణులు అభిప్రాయపడుతున్నారు.

అయితే, వెండి మాత్రం విరుద్ధ దిశగా పయనించింది. కేజీ వెండి ధర రూ.100 పెరిగి రూ.1,11,000కు చేరింది. దీనితో వెండిపై పెట్టుబడి పెట్టే వారి దృష్టి మరింత గమనించదగినదిగా మారింది.

తెలంగాణ, ఆంధ్రప్రదేశ్ రాష్ట్రాల్లో దాదాపు ఇదే ధరలు కొనసాగుతున్నాయి. నగల తయారీదారులు, వ్యాపారులు తాజా ధరలను గమనించి తమ వ్యాపార ప్రణాళికలను సవరించుకుంటున్నారు.

మార్కెట్ నిపుణుల అభిప్రాయం ప్రకారం, బంగారం ధరల్లో ఈ స్వల్ప తగ్గుదల అంతర్జాతీయ మార్కెట్లో డాలర్ బలపడటం, యూజ్‌ ఫెడ్ తీరుపై స్పష్టత ఏర్పడటంతో చోటు చేసుకుందని చెబుతున్నారు. వచ్చే రోజుల్లో పెళ్లిళ్ల సీజన్‌ కారణంగా మళ్లీ బంగారం ధరలు ఎగబడే అవకాశం ఉందని వారు హెచ్చరిస్తున్నారు.