సినిమాటిక్ ఆపరేషన్.. అర్ధరాత్రి ఛేజ్‌తో గోవులను కాపాడిన ఏపీ ఎమ్మెల్యే

గో సంరక్షణపై చట్టాలు ఉన్నప్పటికీ అక్రమ రవాణా మాత్రం ఆగడం లేదు. నిత్యం వందల సంఖ్యలో గోవులను కబేళాలకు తరలిస్తూ మూగజీవాలపై అమానుషంగా వ్యవహరిస్తున్న ఘటనలు వెలుగుచూస్తూనే ఉన్నాయి. అలాంటి పరిస్థితుల్లో మానవత్వానికి నిలువెత్తు నిదర్శనంగా నిలిచిన ఘటన ఏపీలో చోటుచేసుకుంది.

అక్రమంగా వందలాది గోవులను కబేళాలకు తరలిస్తున్నారని తెలిసి, ఆళ్లగడ్డ ఎమ్మెల్యే భూమా అఖిలప్రియ రాత్రి సమయంలో కూడా వెంటనే రంగంలోకి దిగారు. సినిమా దృశ్యాలను తలపించేలా ట్రక్కులను వెంబడించి, జాతీయ రహదారిపై వాటిని అడ్డుకుని పోలీసుల సాయంతో దాదాపు 400 గోవులను రక్షించారు.

వివరాల్లోకి వెళితే, తెలంగాణ మార్గంగా కడప జిల్లా పులివెందుల వైపు గోవులను అక్రమంగా తరలిస్తున్నారని అఖిలప్రియకు సమాచారం అందింది. వెంటనే స్పందించిన అఖిలప్రియ, సంబంధిత ప్రాంతాల్లో గస్తీ వేసి జాతీయ రహదారిపై వెళ్తున్న ఆరు ట్రక్కులను గుర్తించింది. అఖిలప్రియ స్వయంగా వాటిని వెంబడించి నిలిపివేసి, పోలీసులకు సమాచారం అందించింది.

పోలీసులు ట్రక్కులను తనిఖీ చేయగా, ఒకే కంటైనర్‌లో 70కి పైగా ఆవులను అతి దయనీయ స్థితిలో కుక్కి తరలిస్తున్న దృశ్యం బయటపడింది. నిలబడేందుకు స్థలం లేకుండా, నీరు–ఆహారం లేకుండా మూగజీవాలను హింసకు గురిచేయడం చూసి ఎమ్మెల్యే అఖిలప్రియ తీవ్ర ఆగ్రహం వ్యక్తం చేశారు.

పోలీసులు గోవులను చట్టవిరుద్ధంగా తరలిస్తున్న డ్రైవర్లు మరియు యజమానులపై కఠిన చర్యలు తీసుకోవాలని ఆదేశించారు. గోవులను చట్టవిరుద్ధంగా తరలించడానికి కారణమైన వారిని వదిలిపెట్టరు. పోలీసులు ఆరు ట్రక్కుల్లో దాచి తరలిస్తున్న దాదాపు 400 గోవులను రక్షించి, వాటిని సమీప గోశాలలకు తరలించారు.

ఎమ్మెల్యే అఖిలప్రియ చూపిన ధైర్యం, మానవత్వాన్ని జంతు ప్రేమికులు, గో సంరక్షణ సంఘాలు, సామాన్య ప్రజలు ప్రశంసలతో ముంచెత్తుతున్నారు. మూగజీవాల కోసం ప్రజాప్రతినిధి ఇలా స్వయంగా రంగంలోకి దిగడం అరుదైన విషయమని అభిప్రాయపడుతున్నారు.

#GoRescue#CowProtection#AnimalRights#IllegalCattleTransport#HumanityFirst#MidnightOperation#APPolitics
#GauRaksha#SaveCows#Allagadda#PublicRepresentative#JusticeForAnimals