సామాన్యుడి ‘వందే భారత్’: అమృత్ భారత్ ఎక్స్‌ప్రెస్ ప్రత్యేకతలేంటి?

భారతీయ రైల్వే ముఖచిత్రం మారుతోంది. ఒకవైపు వేగవంతమైన వందే భారత్ రైళ్లు అందుబాటులోకి వస్తుండగా, మరోవైపు సామాన్య ప్రయాణికులకు కూడా అదే స్థాయి సౌకర్యాలను అందించేందుకు కేంద్ర ప్రభుత్వం అమృత్ భారత్ రైళ్లను ప్రవేశపెట్టింది. ఈ రెండు రైళ్ల మధ్య ఉన్న ప్రధాన వ్యత్యాసాలు మరియు అమృత్ భారత్‌లో వచ్చిన తాజా మార్పులను ఇక్కడ చూడొచ్చు.

సామాన్యుల కోసం రూపొందించిన ఈ రైళ్లలో ప్రయాణాన్ని మరింత సులభతరం చేసేందుకు రైల్వే శాఖ విప్లవాత్మక మార్పులు చేసింది:

• ఆర్ఏసీ (RAC) రద్దు: అమృత్ భారత్ రైళ్లలో ఇకపై ఆర్‌ఏసీ విధానం ఉండదు. టికెట్ బుక్ చేస్తే నేరుగా కన్ఫర్మ్ అవుతుంది లేదా వెయిటింగ్ లిస్ట్‌లోకి వెళ్తుంది. దీనివల్ల ప్రయాణికులు సగం సీటులో ఇబ్బంది పడాల్సిన అవసరం ఉండదు.

• కనీస ప్రయాణ దూరం & ఛార్జీ: * స్లీపర్ క్లాస్: కనీసం 200 కి.మీ దూరం ఛార్జీ (సుమారు రూ. 149) చెల్లించాల్సి ఉంటుంది.

  • జనరల్ కోచ్: కనీసం 50 కి.మీ దూరానికి రూ. 36 నుండి టికెట్ ధరలు ప్రారంభమవుతాయి.

173 ఏళ్ల రైల్వే చరిత్రలో 2019లో వందే భారత్ రాకతో సరికొత్త శకం మొదలైంది. తాజాగా హౌరా-గువహటి మధ్య మొదటి వందే భారత్ స్లీపర్‌ను కూడా ప్రారంభించారు. వీటికి పోటీగా, సామాన్యుల సౌకర్యం కోసం అమృత్ భారత్ సర్వీసులను విస్తరిస్తూ, పారదర్శకమైన సీట్ల కేటాయింపును ప్రభుత్వం అమలు చేస్తోంది.