అమెరికా చర్యతో గ్లోబల్ మార్కెట్లలో కలకలం.. గంటల వ్యవధిలోనే పసిడి, వెండి రేట్లలో భారీ తేడా

గత వారం వరకు బంగారం ధరలు చాలా ఎక్కువగా ఉండేవి. ఇప్పుడు అవి మారిపోయాయి. మూడు రోజుల్లోనే బంగారం ధర దాదాపు ఏడు వేల రూపాయలు తగ్గిపోయింది. కానీ ఇప్పుడు అంతర్జాతీయ రాజకీయాలు మారిపోయాయి. బంగారం ధర మళ్లీ పెరిగిపోయింది.

అమెరికా వెనెజువెలాపై దాడి చేసింది. దీనివల్ల ప్రపంచ మార్కెట్లు ఇబ్బందికి గురయ్యాయి. బంగారం, వెండి ధరలు పెరిగాయి.

ఇటీవలి రోజుల్లో అంతర్జాతీయ పరిస్థితులు కొంత స్థిరంగా ఉన్నాయి. కానీ, రెండు రోజుల క్రితం అమెరికా తీసుకున్న అకస్మాత్తు నిర్ణయాలు మళ్లీ పెట్టుబడిదారులను బంగారం వైపు ఆకర్షించాయి. ఫలితంగా, ఇటీవలి కాలంలో తగ్గిన బంగారం, వెండి ధరలు మళ్లీ పెరిగాయి. ఇది సామాన్యులకు ధరలు మరింత పెరుగుతాయనే ఆందోళనను కలిగిస్తోంది.

అమెరికా వెనెజువెలాపై చేసిన దాడులు ప్రపంచంలో భారీ ఆందోళనకు కారణమయ్యాయి. వెనెజువెలా అధ్యక్షుడు నికోలస్ మధురోను అమెరికా తరలించినట్లు వచ్చిన వార్తలు అంతర్జాతీయ రాజకీయాల్లో తీవ్ర ప్రభావాన్ని చూపాయి. అదే సమయంలో, అమెరికా కంపెనీలు వెనెజువెలాలో పెట్టు

బడులు పెట్టనున్నాయని ప్రకటించడం పరిస్థితిని మరింత ఉద్రిక్తంగా మార్చింది. ఈ పరిణామాల ఫలితంగా, ప్రపంచ ఆర్థిక మార్కెట్లు ఒక్కసారిగా కుప్పకూలాయి.

రష్యా – ఉక్రెయిన్ యుద్ధం కాస్త శాంతి దిశగా సాగుతుందన్న అంచనాలతో ఇటీవల గోల్డ్, సిల్వర్ ధరలు తగ్గుముఖం పట్టాయి. కానీ అమెరికా – వెనెజువెలా సంఘర్షణతో ఆ అంచనాలు ఒక్కసారిగా తలకిందులయ్యాయి. ఫలితంగా అంతర్జాతీయ మార్కెట్లో కేవలం ఆరు గంటల వ్యవధిలోనే బంగారం, వెండి ధరలు రికార్డు స్థాయికి చేరాయి.

ఆదివారం ధరలు మారలేదు. మధ్యరాత్రి 12 గంటల తర్వాత స్పాట్ గోల్డ్ ధర పెరిగింది. గత రోజు బంగారం ఒక ఔన్సుకు 4330 డాలర్లు. కొన్ని గంటల్లోనే 4410 డాలర్లు అయింది. అంటే ఒక రాత్రిలో 80 డాలర్లు పెరిగింది. అదే సమయంలో స్పాట్ సిల్వర్ ధర కూడా పెరిగింది. ఒక ఔన్సుకు 72 డాలర్ల నుంచి 76 డాలర్లకు చేరింది.

అంతర్జాతీయ మార్కెట్‌లో ఈ పెరుగుదల ప్రభావం దేశీయంగా ఉదయం 10 గంటల తర్వాత కనిపించే అవకాశం ఉంది. ప్రస్తుతం మాత్రం దేశీయ మార్కెట్లో ధరలు స్థిరంగా కొనసాగుతున్నాయి. హైదరాబాద్‌లో 22 క్యారెట్ల బంగారం ధర తులానికి రూ.1,24,500గా ఉంది. జనవరి 3న ధరలు తగ్గగా, అంతకుముందు రెండు రోజులు పెరుగుదల నమోదైంది. ఇక 24 క్యారెట్ల బంగారం ధర 10 గ్రాములకు రూ.1,35,820గా ఉంది. వెండి ధర ప్రస్తుతం కిలోకు రూ.2.57 లక్షల వద్ద కొనసాగుతోంది. ఇటీవల వెండి ధరల్లో కూడా భారీ హెచ్చుతగ్గులు నమోదయ్యాయి.

#GoldPriceToday#SilverPriceToday#GoldRateShock#InternationalTensions#VenezuelaCrisis#USVenezuelaConflict#SafeHavenInvestment
#GoldMarket#SilverMarket#HyderabadGoldRates#BullionMarket#EconomicUncertainty#BreakingNews