ఆఖరి అభియాన్‌కు సిద్ధం అయిన MIG-21లు: భారత గగనతలానికి వీడ్కోలు సమయం

భారత గగనతలానికి దశాబ్దాల పాటు రక్షణ కవచంలా నిలిచిన రష్యన్ మేడ్ మిగ్-21 యుద్ధవిమానాలు ఇప్పుడు సైనిక సేవలకు గుడ్‌బై చెప్పనున్నాయి. ఇండియన్ ఎయిర్ ఫోర్స్ (IAF) ఈ ఏడాది సెప్టెంబర్‌లో ఈ చారిత్రాత్మక విమానాలకు అధికారికంగా రిటైర్మెంట్ ప్రకటించనుంది. దేశం సార్వభౌమత్వాన్ని కాపాడడంలో కీలకపాత్ర పోషించిన ఈ ఫైటర్ జెట్లు 1963లో భారత వాయుసేనలో ప్రవేశించాయి. అప్పటి నుండి వివిధ యుద్ధాలలో పాల్గొని అనేక విజయాలను తన ఖాతాలో నమోదు చేసుకున్నాయి.

సుమారు 60 ఏళ్లకు పైగా సేవలందించిన మిగ్-21లను ఎయిర్ ఫోర్స్ మరికొద్ది నెలల్లో పూర్తిగా పక్కన పెట్టనుంది. ఇప్పటికే మిగ్-21 ఫ్లీట్‌లోని చాలా విమానాలను దశలవారీగా తొలగించారు. ప్రస్తుతం ఉపయోగంలో ఉన్న చివరి స్క్వాడ్రన్ అయిన ‘నంబర్ 4 స్క్వాడ్రన్’ కూడా సెప్టెంబర్ నాటికి సేవల నుండి తప్పించబడనుంది. ఈ ఫ్లైటింగ్ బలానికి ప్రాణంగా నిలిచిన మిగ్-21లకు వీడ్కోలు పలకడం ద్వారా భారత వైమానిక దళం ఒక శకానికి ముగింపు పలుకుతోంది.

మిగ్-21లకు ప్రత్యామ్నాయంగా, తక్కువ ఖర్చుతో ఎక్కువ సామర్థ్యాన్ని కలిగిన స్వదేశీ యుద్ధవిమానమైన తేజాస్ మార్క్ 1Aలను IAF లోకి ప్రవేశపెట్టనుంది. హిందుస్థాన్ ఏరోనాటిక్స్ లిమిటెడ్ (HAL) తయారు చేసిన తేజాస్, భారత రక్షణ రంగానికి స్వావలంబన వైపు ముందడుగు. మిగ్-21ల తీరని దశను ముగించడంతో, భారత గగనతలాన్ని ఇకపై దేశీయ పరిజ్ఞానంతో అభివృద్ధి చేసిన యుద్ధవిమానాలే కాపాడనున్నాయి.