iBomma రవి అడుగుజాడల్లో కొత్తవాళ్లు… వరుసగా బయటికొస్తున్న పైరసీ సైట్లు!

‘ఐ బొమ్మ’ రవి అరెస్టు తర్వాత సినిమా పైరసీపై పోలీసులు కఠిన వైఖరి అవలంబించారు. రవి కేసు వెలుగులోకి వచ్చిన వెంటనే, అతను అనుసరించిన పద్ధతిని కాపీ చేయడానికి కొందరు ప్రయత్నాలు చేస్తున్నట్లు సైబర్ క్రైం విభాగం గుర్తించింది. కొత్త సినిమాలు, వెబ్ సిరీస్‌లను రికార్డ్ చేసి సోషల్ మీడియాలో పోస్ట్ చేసే సంఘటనలు పెరగడంతో, అధికారులు సైబర్ పర్యవేక్షణను మరింత గట్టిపరిచారు. చట్టవిరుద్ధ కార్యక్రమాల్లో పాల్గొంటే కఠిన చర్యలు తప్పవని హెచ్చరించారు.

రavi అరెస్టు తర్వాత సోషల్ మీడియాలో అతనికి అనుకూలంగా కొన్ని స్పందనలు వచ్చినా, అదే సమయంలో అతని తరహాలో పైరసీ ద్వారా డబ్బు సంపాదించాలనే ఆలోచనతో కొందరు ముందుకు వస్తున్నారని పోలీసులు ఆందోళన వ్యక్తం చేస్తున్నారు. విచారణలో, రవి నేరుగా ఓటీటీ సర్వర్లను హ్యాక్ చేయకపోయినా, మార్కెట్లో చలామణిలో ఉన్న పైరసీ కాపీలను సేకరించి తన వెబ్‌సైట్లలో అప్‌లోడ్ చేసిన విషయం బయటపడింది. వెబ్‌సైట్ ట్రాఫిక్ పెరగడానికి ప్రత్యేక సాఫ్ట్‌వేర్ ఉపయోగించినట్లు కూడా అతని వాంగ్మూలంలో వెల్లడైంది.

iBomma, Bappam వంటి ప్రసిద్ధ పైరసీ సైట్లు తొలగించబడిన తర్వాత, అదే పేర్లను పోలి ఉండే కొత్త డొమైన్‌లు కొనుగోలు చేసే వారి సంఖ్య పెరిగిందని అధికారులు తెలిపారు. పాత పేర్లతో స్వల్ప మార్పులు చేసి కొత్త పైరసీ వెబ్‌సైట్లు ప్రారంభించే ప్రయత్నాలు జరుగుతున్నాయి.

ఈ పరిస్థితుల్లో, సైబర్ క్రైమ్ శాఖ నిరంతర నిఘా కొనసాగిస్తూ, పైరసీతో సినీ పరిశ్రమకు నష్టం కలగకుండా అడ్డుకట్ట వేయాలని లక్ష్యంగా పెట్టుకుంది. చట్టవ్యతిరేక చర్యలకు పాల్పడుతున్న వ్యక్తులపై కఠిన చర్యలు తీసుకుంటామని పోలీసులు స్పష్టమైన హెచ్చరికలు జారీ చేశారు. సైబర్ నేరాలపై శూన్య సహనం విధానాన్ని అమలు చేస్తున్నట్లు పేర్కొన్నారు.

#APPolice #TollywoodUpdates #StopPiracy #DigitalSafety #IllegalStreaming #CrimeNews #CyberSecurity