Latest Updates
ప్రాణం పోతున్నా ‘జై తెలంగాణ’ నినాదం
తెలంగాణ ఉద్యమం ఊపందుకున్న 2010 సంవత్సరంలో హైదరాబాద్‌లోని ఒస్మానియా యూనివర్సిటీ నినాదాలతో మారుమోగింది. ఈ ఉద్యమ జ్వాలలో తన ప్రాణాలను సైతం అర్పించిన ఓ యువ ఉద్యమకారుడు సిరిపురం యాదయ్య. ఫిబ్రవరి 20వ తేదీన ఆయన తన త్యాగానికి సిద్ధమయ్యాడు. ప్రాణం పోయినా బిగించిన పిడికిలి విడవనని సంకల్పించిన యాదయ్య, ఒంటిపై పెట్రోలు పోసుకొని నిప్పంటించుకున్నాడు.
శరీరం మంటల్లో కాలిపోతున్నా, ఆ వీరుడు ‘అమ్మా.. అయ్యా’ అని తల్లడిల్లలేదు. ప్రాణాలు క్షణక్షణం కరిగిపోతున్న వేళలో కూడా ‘జై తెలంగాణ’ అంటూ ఆయన నినదించాడు. ఆ నినాదం విద్యార్థుల గుండెల్లో ఉద్యమ జ్వాలను రగిలించింది. తెలంగాణ రాష్ట్ర అవతరణ సాకారమైన నేటి రోజున సిరిపురం యాదయ్య త్యాగం మరువలేనిదిగా నిలిచింది. ఆయన ఆత్మబలిదానం తెలంగాణ చరిత్రలో శాశ్వతంగా చిరస్థాయిగా నిలుస్తుంది.
