మట్కా ప్రీ రిలీజ్ ఈవెంట్.. వరుణ్ తేజ్ కౌంటర్లు..?

వరుణ్ తేజ్ మట్కా మూవీ నవంబర్ 14న రాబోతోంది. ఇక ఆదివారం వైజాగ్‌లో గ్రాండ్‌గా ప్రీ రిలీజ్ ఈవెంట్ నిర్వహించారు. ఈ క్రమంలో వరుణ్ తేజ్ స్టేజ్ మీద మాట్లాడినప్పుడు కాస్త నిజాయితీగా మాట్లాడినట్టుగా అనిపిస్తోంది. తన పోయిన సినిమాల గురించి మాట్లాడాడు. కొత్త ప్రయత్నం చేస్తున్నట్టుగా చెప్పుకొచ్చాడు. సినిమాలు పోయినప్పుడు కాస్త బాధగా అనిపిస్తుందని, ఆ టైంలోనే ఫ్యామిలీ సపోర్ట్ ఉంటుందని, తన అన్న రామ్ చరణ్ తనకు అండగా నిలుస్తాడని, మోరల్ సపోర్ట్ ఇస్తాడని చెప్పుకొచ్చాడు. అయితే వంద మాటలు మాట్లాడాల్సిన పని లేదు.. తన అన్న రామ్ చరణ్ భుజం మీద చేయి వేస్తే చాలని అన్నాడు.

అలా మట్కా సినిమా గురించి చెబుతూ మధ్యలో ఫ్యామిలీ గురించి మాట్లాడాడు. పెదనాన్న, బాబాయ్, అన్న గురించి ఎందుకు పదే పదే చెబుతావ్ అని తనను అంతా అడుగుతారట. మనం పెద్దొళ్ళు అవ్వొచ్చు.. అవ్వకపోవచ్చు.. సక్సెస్ అవ్వొచ్చు.. అవ్వకపోవచ్చు.. కానీ మనం ఎక్కడి నుంచి వచ్చాం.. ఎలా వచ్చాం.. అన్నది మర్చిపోతే ఎంత సక్సెస్ వచ్చిన అది వృథానే అని అన్నాడు. దింతో ఈ మాటలు మాత్రం అల్లు అర్జున్‌ మీద కౌంటర్లే అని నెటిజన్లు మాట్లాడుకుంటున్నారు.

బన్నీ ఈ మధ్య స్టేజ్ ఎక్కితే తనని తాను గొప్పగా ప్రొజెక్ట్ చేసుకుంటున్నాడు.. ఏ సహకారం లేకుండా ఒంటరిగానే ఇంతటి స్థాయికి వచ్చినట్టుగా చెప్పుకుంటున్నాడు.. ఒకప్పటిలా ఎక్కడా కూడా మెగా నామస్మరణ కూడా లేదు.. అసలు మెగా హీరో అనే ట్యాగ్‌ని బన్నీ ఎఫ్పుడో దూరం పెట్టాడన్న సంగతి తెలిసిందే. చిరు మేనల్లుడిగా ఎంట్రీ ఇచ్చిన బన్నీ ఇప్పుడ పుష్ప అంటూ తన సొంత బ్రాండ్‌ను క్రియేట్ చేసుకున్నాడు.

అందుకే వరుణ్ తేజ్ ఇలా కౌంటర్లు వేసి ఉంటాడని మెగా ఫ్యాన్స్ అనుకుంటున్నారు.. చిరు, పవన్, రామ్ చరణ్ పేర్లు తీయకపోతే వరుణ్ తేజ్ మట్కాకి టికెట్లు తెగవు.. అందుకే ఇలా మాట్లాడాడు అని బన్నీ ఫ్యాన్స్ ట్రోలింగ్ చేస్తున్నారు. మొత్తానికి వరుణ్ తేజ్ మాట్లాడిన మాటలు మాత్రం మరోసారి మెగా వర్సెస్ అల్లు అనే దానికి తెర లేపినట్టు అనిపించింది.