యశ్ వర్సెస్ బన్నీ.. ఫ్యాన్స్ దారుణంగా ట్రోల్ చేస్తున్నారు

యశ్ వర్సెస్ బన్నీ.. ఫ్యాన్స్ దారుణంగా ట్రోల్ చేస్తున్నారు

కొత్తగా వచ్చిన  పుష్ప 2 నుంచి పోస్టర్ మీద ఇప్పుడు దారుణంగా ట్రోలింగ్ జరుగుతోంది. KGF పోస్టర్ కూడా ట్రోల్స్ లో ఉన్నాయి. అసలు సుకుమార్ కొత్తగా ఆలోచించడం లేదా? ఈ పోస్టర్లన్నీ కూడా కేజీయఫ్, చాప్టర్ 2 స్టిల్స్‌లానే ఉన్నాయని ట్రోలింగ్ చేస్తున్నారు. దీంతో కేజీయఫ్, పుష్ప స్టిల్స్‌ను పోల్చుతూ ట్రోలింగ్ చేస్తున్నారు. దీంతో బన్నీ ఫ్యాన్స్ రంగంలోకి దిగి యశ్‌ను ట్రోలింగ్ చేస్తున్నారు. పుష్ప 2 పోస్టర్లలో పస లేదని అంతా అనుకుంటున్నారు. సోషల్ మీడియా మీద ప్రస్తుతం ఫ్యాన్ వార్‌లు ఏ స్థాయిలో జరుగుతున్నాయో చెప్పాల్సిన పని లేదు. ఆ హీరో ఫ్యాన్స్. ఈ హీరో ఫ్యాన్స్ అన్న తేడా లేకుండా ఫ్యాన్స్ అంతా కూడా చాలా దారుణంగా తయారవుతున్నారు. సోషల్ మీడియా మీద ఇష్టమొచ్చినట్టుగా వ్యాఖ్యలు చేస్తున్నారు. ట్వీట్లు పెడుతున్నారు.

అవతలి హీరోలను కించ పరిచేలా వ్యాఖ్యలు చేస్తున్నారు. ఇలా ఫ్యాన్ వార్‌లు ట్విట్టర్‌లో ఎక్కువగా జరుగుతూ ఉంటాయి. రీసెంట్‌గా పుష్ప 2 నుంచి ఓ పోస్టర్‌ను మేకర్లు విడుదల చేశారు ట్రైలర్ అప్డేట్ అంటూ వదిలిన ఈ పోస్టర్‌ మీద ఇప్పుడు సోషల్ మీడియాలో చర్చలు మొదలయ్యాయి. ఈ స్టిల్ కేజీయఫ్ మూవీలోని రాఖీ భాయ్ పోస్టర్‌లా అనిపిస్తోందని ఆ స్టిల్, ఈ స్టిల్‌ను పక్కన పెట్టేసి ట్రోలింగ్ చేశారు నెటిజన్లు. దీంతో ఫ్యాన్ వార్ మొదలైంది. ప్రభాస్ ఫ్యాన్స్, యశ్ ఫ్యాన్స్, అల్లు అర్జున్ అభిమానులు ఒకరిపై ఒకరు విమర్శలు చేసుకుంటూ ఫ్యాన్ వార్‌కు దిగారు. మరి సుకుమార్ ఇంత అజాగ్రత్తగా ఉన్నాడా? పోస్టర్లను ఒకటికి రెండు సార్లు చెక్ చేసుకోకుండానే వదులుతున్నాడా? కాపీ కొట్టాడా? ఇన్ స్పైర్ అయ్యాడా? తెలియకుండా అలా జరిగిందా? అసలు కేజీయఫ్ 2, పుష్ప 2 స్టిల్స్ ఒకేలా ఉండటం ఏంటి? అని అంతా అనుకుంటున్నారు. ఈ పోస్టర్‌ల మీద ఇప్పుడు ఓ రేంజ్‌లో చర్చలు జరుగుతున్నాయి.

అసలు సుకుమార్ ఇప్పుడు ఫుల్ బిజీగా ఉన్నాడు. షూటింగ్ ఇంకా పూర్తి కాలేదు. కిస్సిక్ సాంగ్‌ను త్వరగా ఫినిష్ చేయాలని టీం చూస్తోంది. ఈ ఐటం సాంగ్‌ను పూర్తి చేస్తే సుకుమార్‌కు పెద్ద భారం దిగినట్టే అవుతుంది. ఈ పాటతో సినిమా షూటింగ్ అంతా పూర్తవుతుందట. ఆ తరువాత పూర్తిగా ఎడిటింగ్ మీద సుకుమార్ ఫోకస్ పెడతాడట. అంత లోపు ఆర్ఆర్‌ను కూడా మ్యూజిక్ డైరెక్టర్లు ఫినిష్ చేస్తారట.

నవంబర్ మూడో వారంలోనే అంతా రెడీ చేసి.. సెన్సార్‌కు వెళ్తారట. పాట్నాలో జరిగే ట్రైలర్ లాంచ్ ఈవెంట్‌కు సుకుమార్ వెళ్లకుండా.. ఇక్కడే ఉండి ఫైనల్ పనుల్ని చూసుకుంటాడట. ఎట్టి పరిస్థితుల్లోనూ డిసెంబర్ 5న సినిమాను దించాలని సుకుమార్ తెగ కష్టపడుతున్నాడట.