హైదరాబాద్‌ రోడ్లపై ముస్లింలు నమాజ్‌ చేయడం.. రాజాసింగ్‌ సంచలన వ్యాఖ్యలు! 

హైదరాబాద్‌ రోడ్లపై ముస్లింలు నమాజ్‌ చేయడం.. రాజాసింగ్‌ సంచలన వ్యాఖ్యలు! 

గోషామహల్ బీజేపీ ఎమ్మెల్యే రాజాసింగ్ మరోసారి సంచలన కామెంట్లు చేశారు. ప్రతీసారి వీడియోలు విడుదల చేసే రాజాసింగ్, ఈసారి మాత్రం సంచలన ట్వీట్‌ చేశారు. నవంబర్ 15న దిల్‌సుఖ్ నగర్ ప్రధాన రహదారిపై కొంతమంది ముస్లిం సోదరులు నమాజ్‌ చేస్తూ ఉన్న ఫోటోను షేర్‌ చేసి ట్వీట్‌ చేశారు. ఆ ట్వీట్‌ను హైదరాబాద్ సీపీ సీవీ ఆనంద్‌కు ట్యాగ్‌ చేస్తూ, ప్రజలకు ఇబ్బందులు కలిగించే ఇలాంటి సంఘటనలను వెంటనే ఆపాలని రాజాసింగ్‌ కోరారు. 

తరచూ వివాదాస్పద వ్యాఖ్యలతో వార్తల్లో ఉంటున్న గోషామహల్ బీజేపీ ఎమ్మెల్యే రాజాసింగ్ ఈసారి మరో సంచలన ట్వీట్ చేశారు. ఈసారి హైదరాబాద్ రోడ్లపై ముస్లింలు నమాజ్‌ చేయడంపై ఆయన అభ్యంతరం వ్యక్తం చేస్తూ వ్యాఖ్యలు చేశారు. హైదరాబాద్ పోలీసులకు కొన్ని సూచనలు చేస్తూ రాజాసింగ్ ట్వీట్ చేశారు. నవంబర్ 15న, శుక్రవారం, దిల్‌సుఖ్ నగర్ ప్రధాన రహదారిపై కొందరు ముస్లింలు నమాజ్ చేశారు. రహదారిపై కార్పెట్ వేసుకుని నమాజ్ చేసిన ముస్లింల ఫోటోను షేర్ చేస్తూ రాజాసింగ్‌ ట్వీట్ చేశారు. ఆ ముస్లింలు నమాజ్ చేస్తున్నప్పుడు రోడ్డుపై చాలా మంది పాదాచారులు మరియు వాహనదారులు తమ ప్రయాణాలు కొనసాగిస్తున్నట్టు ఫోటోలో కనిపిస్తోంది. అలాగే, అక్కడే ఒక హిందూ ఆలయం కూడా ఉండటం ప్రత్యేకంగా గమనించవచ్చు.
ఈ ఫొటోను షేర్ చేసిన రాజాసింగ్, హైదరాబాద్ పోలీసులను ట్యాగ్‌ చేస్తూ కొన్ని వ్యాఖ్యలు చేశారు. “రోడ్లపై ఇలాంటి అవాంతరాలను వెంటనే ఆపాలి. రోడ్లపై నమాజ్‌ చేయడానికి అనుమతిస్తే, అది మరికొందరిని రోడ్డుపైకి వచ్చి హనుమాన్ చాలీసా చదవడానికి ప్రేరేపించే అవకాశం ఉంటుంది” అన్నారు. మన వీధులు రోజువారీ జీవితం కోసం ఉండాలి కానీ మతపరమైన ఆచారాలకు అడ్డాగా మార్చడం కుదరదు. ఇది ప్రజలకు ఇబ్బందులు, ఆటంకాలు only. అందువల్ల, రోడ్లు అందరికీ స్పష్టంగా, శాంతంగా ఉండేలా చర్యలు తీసుకోవాలని కోరుతున్నాము. బహిరంగ ప్రదేశాలు ప్రజల కోసం అవాంతరాలు లేకుండా ఉండాలి.”

హైదరాబాద్ సీపీ సీవీ ఆనంద్‌తో పాటు హైదరాబాద్ సిటీ పోలీసులను ట్యాగ్ చేస్తూ రాజాసింగ్ ఈ ట్వీట్ చేశారు. గతంలో కూడా పలు రాష్ట్రాల్లో రోడ్లపై నమాజ్ చేయడం వివాదాలకు దారితీసింది. ముస్లింలు రోడ్డుపై నమాజ్ చేస్తే, ప్రతిచర్యగా మరో వర్గం రోడ్లపైకి వచ్చి హనుమాన్ చాలీసా పఠించారు. దీని వల్ల రెండు వర్గాల మధ్య వివాదాలు చెలరేగి, ఉద్రిక్త పరిస్థితులు ఏర్పడ్డాయి. ఈ అనుభవాలను పరిగణలోకి తీసుకుని, ఇలాంటి సంఘటనలను ప్రోత్సహించకూడదని బీజేపీ ఎమ్మెల్యే రాజాసింగ్ సూచిస్తున్నారు.