‘గజిని 2’ గురించి సూర్య ఏమన్నారంటే.. భారీ మల్టీ స్టారర్‌కు ప్రయత్నాలు..

సూర్య హీరోగా శివ దర్శకత్వంలో తీసిన ‘కంగువా’ సినిమా నవంబర్ 14న ప్రేక్షకులకు రాబోతుంది. పాన్ ఇండియా స్థాయిలో రాబోతున్న కంగువా సినిమా ప్రమోషన్ లో భాగంగా సూర్య ఇటీవల ముంబైలో మీడియా సమావేశంలో మాట్లాడారు. ఆ సమయంలో గజిని సినిమా గురించి ప్రస్తావన వచ్చింది. చాలా సంవత్సరాలుగా గజిని సీక్వెల్ వచ్చే వార్తలు వస్తున్నాయి. దర్శకుడు మురుగదాస్ కూడా గతంలో కొన్ని ఇంటర్వ్యూల్లో సీక్వెల్ చేస్తానని చెప్పారు. అయితే ఈసారి హీరో సూర్య సీక్వెల్ గురించి చెప్పిన మాటలు అందరి దృష్టిని ఆకర్షిస్తున్నాయి. ఈసారి ఆయన ఒక అడుగు ముందుకు వెళ్ళి ఆసక్తికర విషయాన్ని చెప్పారు.

గజిని సీక్వెల్ కోసం దర్శకుడు మురుగదాస్ స్క్రిప్ట్‌ను సిద్ధం చేసే పనిలో ఉన్నారు. త్వరలోనే ఆయన స్క్రిప్ట్‌ను పూర్తి చేయవచ్చు. సీక్వెల్ కథ వెంటనే ప్రాజెక్ట్ ప్రారంభం అయ్యే అవకాశముంది. అన్నీ అనుకున్నట్లయితే గజిని 2 సినిమాలో బాలీవుడ్ సూపర్ స్టార్ అమీర్ ఖాన్ కూడా పాల్గొనవచ్చు అని సూర్య చెప్పారు. సూర్య చెప్పిన విషయాలతో చాలా మంది గజిని 2 సినిమా మల్టీ స్టార్ మూవీ అయ్యే అవకాశం ఉందని అంటున్నారు. మరికొందరు మాత్రం తమిళం, హిందీ భాషల్లో ఒకేసారి రూపొందించే ఉద్దేశ్యంతో సూర్య అలా మాట్లాడి ఉంటాడని అనుకుంటున్నారు. మొత్తానికి, గజిని 2 సినిమా స్క్రిప్ట్ పని జరుగుతోందని స్పష్టం అయింది.

అల్లు అరవింద్ నిర్మాణంలో తమిళ గజిని, హిందీ గజిని వచ్చిన సంగతి తెలిసిందే. ఇప్పుడు గజిని సీక్వెల్‌ని కూడా అల్లు అరవింద్ నిర్మించే అవకాశాలు ఉన్నాయని అంటున్నారు. హిందీ గజినితో అల్లు అరవింద్ కి పెద్ద స్థాయిలో లాభాలు వచ్చినట్లు వార్తలు ఉన్నాయి. అందుకే గజిని సీక్వెల్‌కి అల్లు అరవింద్ ఎప్పుడైనా రెడీ అవ్వవచ్చు. కాబట్టి, ప్రస్తుతం గజిని సీక్వెల్‌ చేసే బాధ్యత దర్శకుడు మురుగదాస్ మీదనే ఉంది. గత కొంత కాలంగా అమీర్ ఖాన్ చేసిన ఏ సినిమా కూడా బాక్సాఫీస్ వద్ద విజయవంతం కాలేదు. అందువల్ల, ఈ సమయంలో ఆయన గజిని సీక్వెల్‌కి అడిగిన వెంటనే వెంటనే గ్రీన్ సిగ్నల్ ఇవ్వగలిగే అవకాశాలు ఉన్నాయని బాలీవుడ్ వర్గాలు అంటున్నాయి.

సూర్య కంగువా సినిమాతో పాన్ ఇండియా స్థాయిలో మరోసారి తనతనాన్ని చూపించబోతున్నారు. కంగువా మాత్రమే కాకుండా, ప్రస్తుతం చేస్తున్న సినిమాలు మరియు ఇప్పటికే కమిట్ అయిన సినిమాలు సూర్య స్టార్ డమ్‌ను పాన్ ఇండియా స్థాయిలో మరింత పెంచుతాయని అంటున్నారు. అందుకే గజిని సినిమాకు సీక్వెల్‌ వస్తే, అది కూడా పాన్ ఇండియా స్థాయిలో మంచి స్పందన తెచ్చే అవకాశం ఉంది. అమీర్ ఖాన్‌తో కలిసి సూర్య గజిని చేస్తే, అంచనాలు చాలా పెరగబోతున్నాయి. అయితే, సూర్య చెప్పినట్లయితే, గజిని సీక్వెల్ ఎప్పుడు పట్టాలెక్కుతుందో, విడుదలకి ఎంత సమయం పడుతుందో అన్నది మురుగదాస్ చేతిలో ఉంది.