ప్రశాంత్ వర్మ ట్వీట్.. జై హనుమాన్ గురించేనా?..

ప్రశాంత్ వర్మ హనుమాన్ సినిమా తో అల్ ఇండియా వైడ్‌గా బాక్సాఫీస్‌ను షేక్ చేసేసాడు. సూపర్ హీరో కాన్సెప్టుకి అంతా ఫిదా అయ్యారు. ప్రశాంత్ వర్మ హనుమాన్ మూవీ ఎండింగ్‌లోనే జై హనుమాన్ అంటూ రెండో పార్టుకి సంబంధించిన హింట్ ఇచ్చాడు. అంతే కాకుండా ప్రశాంత్ వర్మ సినిమాటిక్ యూనివర్స్‌లో భాగంగా మల్టీ ప్రాజెక్టులను ప్లాన్ చేసిన సంగతి తెలిసిందే. అయితే తాజాగా ప్రశాంత్ వర్మ ఓ ట్వీట్ వేశాడు. ఇక ప్రశాంత్ వర్మ సినిమాటిక్ యూనివర్స్‌లో భాగంగా తన మూడో ప్రాజెక్ట్ అప్డేట్ ని పదో తేదీ ఇస్తానని చెప్పాడు.

ప్రశాంత్ వర్మ ప్రస్తుతం అధీరా, నందమూరి మోక్షు, జై హనుమాన్ సినిమాలతో బిజీగా ఉన్నాడు. పీవీసీయూలో భాగంగా మరికొన్ని ప్రాజెక్టులు కూడా రెడీ అవుతున్నాయి. తన టీంలోని అసిస్టెంట్ డైరెక్టర్లతోనూ ప్రాజెక్టులు పట్టాలెక్కిస్తున్నాడు. అయితే ప్రశాంత్ వర్మ నుంచి తాజాగా ఓ ట్వీట్ వచ్చింది. ఆ ట్వీట్‌లో జై హనుమాన్ అప్డేట్ రాబోతోందని ఉంది. దసరా స్పెషల్‌గా ఈ అప్డేట్‌ను వదలబోతోన్నారు.

పీవీసీయూలో మూడో ప్రాజెక్ట్ అని అందులో ఉంది. బ్యాక్ గ్రౌండ్‌లో హనుమాన్ థీమ్ ఉంది. అంటే అది జై హనుమాన్ సినిమాకు సంబంధించిన అప్డేట్ అని అంతా ఫిక్స్ అయ్యారు. కానీ మూడో ప్రాజెక్ట్ అని ఉంది.. రెండో ప్రాజెక్ట్ ఏంటి? అనే చర్చలు జరుగుతున్నాయి. అధీరా మూవీని ఎప్పుడో ప్రకటించారు. మధ్యలో మోక్షు మూవీ వచ్చింది. మరి ఈ లెక్కన రెండో ప్రాజెక్ట్ ఏది అయి ఉంటుందని అంతా అనుకుంటున్నారు.

దీనిపై క్లారిటీ రావాలంటే ఇంకొన్ని రోజులు ఆగాల్సిందే. హనుమాన్ బ్లాక్ బస్టర్ తరువాత మళ్లీ సంక్రాంతికి జై హనుమాన్‌ను దించుతామని ప్రశాంత్ వర్మ అన్నాడు. కానీ అది సాధ్యమయ్యేలా కనిపించడం లేదు. దసరాకి ప్రశాంత్ వర్మ ఎలాంటి అప్డేట్ ఇస్తాడో చూడాలి. అసలు జై హనుమాన్ క్యాస్ట్ అండ్ క్రూ కూడా ఇంత వరకు ఎవ్వరికీ తెలియదు. ఆంజనేయుడిగా ఎవరు కనిపిస్తారో అని అంతా ఆసక్తిగా ఎదురుచూస్తున్నారు.