కూతురి ఇంటి ముందు ధర్నాకి దిగిన తల్లిదండ్రులు.. అసలేం జరిగింది?

కూతురి ఇంటి ముందు తల్లిదండ్రులు ఆందోళనకు దిగారు. తమ కన్న బిడ్డ మోసం చేసిందని ఆరోపిస్తూ, పదిమందితో కలిసి నిరసన చేపట్టారు. అసలు ఏం జరిగిందో ఆరా తీస్తే, విషయము స్పష్టమైంది. వారి ఆందోళనకు కారణం తెలుసుకుని అవాక్కయ్యారు. బాధితుల ప్రకారం, మల్కాజిగిరికి చెందిన శివమ్మ, మల్లయ్య దంపతుల కుమార్తె బాలమణి వివాహం అయిన తరువాత, ఆమె తల్లిదండ్రుల ఇంటికి సమీపంలోనే నివసిస్తుంది.

రెండేళ్ల క్రితం శివమ్మ, మల్లయ్య ఊరికి వెళ్ళిపోతూ, ఇంట్లో ఉన్న 30 తులాల బంగారం కూతురికి ఇచ్చి, దొంగల నుండి రక్షణ కోసం ఆమె దగ్గర ఉంచమని కోరారు. ఆ తరువాత వారు ఊరికి వెళ్లిపోయారు.

ఊరి నుంచి తిరిగి వచ్చిన శివమ్మ, మల్లయ్యలు కూతురి ఇంటికి వచ్చారు. తమ నుండి ఇచ్చిన 30 తులాల బంగారం తిరిగి ఇచ్చి, ఇవ్వాలని కోరారు. అయితే, ఆమె బంగారం ఇవ్వడానికి నిరాకరిస్తున్నట్లు దంపతులు ఆరోపిస్తున్నారు. గతంలో కూడా చాలా సార్లు బంగారం అడిగినా ఇవ్వలేదని వారు తెలిపారు. కూతురిని అడిగి, అడిగి విసుగొచ్చిన వారు, వినియోగదారులు మరియు మానవహక్కుల పరిరక్షణ సమితి సభ్యుల సహాయంతో కూతురి ఇంటి ముందు ధర్నా చేపట్టినట్లు తెలిపారు.

ఆ దంపతులు మాట్లాడుతూ, తమ ఇచ్చిన 30 తులాల బంగారం మళ్లీ తమకు ఇవ్వాలని కోరుతున్నారు. ఈ బంగారం విషయంలో, గతంలో పోలీసులకు వివరించినప్పటికీ, వారు పట్టించుకోలేదు అని ఆవేదన వ్యక్తం చేశారు. తమ కన్న బిడ్డ ఇలా చేయడం సరికాదని, వృద్ధాప్యంలో ఏమీ చేయలేని పరిస్థితిలో ఈ పరిస్థితి వచ్చిందని అన్నారు.

తమ బంగారం తిరిగి ఇచ్చి, కూతురి పట్ల పరిష్కారం కావాలని వారు కోరుతున్నారు. ఈ నిరసన విషయం పోలీసులకు సమాచారం అందింది. పోలీసులు వెంటనే వృద్ధ దంపతులు మరియు ఆమె కుమార్తెను పోలిస్ స్టేషన్‌కు పిలిచి, విచారణ చేస్తున్నట్లు సమాచారం. పూర్తి వివరాలు తెలియాల్సి ఉంది.