బ్యాంకాక్ నుంచి చిప్స్ ప్యాకెట్లు, ఎయిర్‌పోర్ట్‌లో తప్పించుకున్నా బయట దొరికారు.. కన్నింగ్ బ్రదర్స్

బ్యాంకాక్ నుంచి చిప్స్ ప్యాకెట్లు, ఎయిర్‌పోర్ట్‌లో తప్పించుకున్నా బయట దొరికారు.. కన్నింగ్ బ్రదర్స్

విదేశాల నుంచి ఏదైనా వస్తువులు అక్రమంగా తీసుకురావాలంటే ఎయిర్‌పోర్టు తనిఖీల్లోనే పట్టుబడతారు. అయితే, ఎయిర్‌పోర్టు కస్టమ్స్ అధికారులకు దొరకకుండా ఉండటానికి కొందరు రకరకాల ఉపాయాలు ఆలోచిస్తుంటారు. ఈ క్రమంలోనే ఇటీవల ఇద్దరు అన్నదమ్ములు, వారి స్నేహితుడు కలిసి బ్యాంకాక్‌ నుంచి వచ్చారు. అయితే బ్యాంకాక్, ఢిల్లీ, చెన్నై ఎయిర్‌పోర్టుల్లో నిర్వహించిన తనిఖీల్లో వారివద్ద ఎలాంటి అనుమానాస్పద వస్తువులు దొరకలేదు. కానీ, ఎయిర్‌పోర్టు బయట నార్కొటిక్స్ అధికారులు చెక్ చేసినప్పుడు చిప్స్ ప్యాకెట్లలో గంజాయి దొరికింది. ఇద్దరు సోదరులు మరియు వారి స్నేహితుడు కలిసి విదేశాల నుంచి చిప్స్ ప్యాకెట్లు తీసుకురావడంవల్ల, వారు అందులో గంజాయిని ప్యాక్ చేసి, ఎవరికీ అనుమానం రాకుండా తరలించేవారు.

ఎయిర్‌పోర్టులో అధికారులకు దొరకకుండా ఉండేందుకు ఖరీదైన గంజాయిని చిప్స్ ప్యాకెట్లలో దాచుకుని తీసుకువస్తున్నారు. ఈ సమయంలో వారు 100 చిప్స్ ప్యాకెట్లతో వెళ్ళడంతో ఎయిర్‌పోర్టు అధికారులకు అనుమానం వచ్చింది. దీంతో ఆ ప్యాకెట్లను ఓపెన్ చేసి చూసి అసలు విషయం బయట పడింది. బ్యాంకాక్ నుంచి ఢిల్లీకి, ఢిల్లీ నుంచి చెన్నైకి వచ్చిన ముగ్గురు స్నేహితులు చెకింగ్‌లో దొరకలేదు. కానీ, ఎయిర్‌పోర్టు బయట నార్కొటిక్స్ అధికారులు వారి బ్యాగుల్లోని చిప్స్ ప్యాకెట్లను తెరిచి చూసినప్పుడు గంజాయి బయటపడింది.
తమిళనాడులోని కొడుంగయ్యూర్‌కు చెందిన మహ్మద్ యూసఫ్ (32), అతని తమ్ముడు హరూన్ (30), వారి ఫ్రెండ్ ఫరూక్ (34)లను చెన్నై ఎయిర్‌పోర్టు నుంచి బయటకొచ్చిన తర్వాత, యాంటీ నార్కొటిక్స్ ఇంటెలిజెన్స్ యూనిట్ (ఏఎన్ఐయూ) చేసిన తనిఖీల్లో భారీగా గంజాయి పట్టుబడింది. వారు ఎయిర్‌పోర్టు తనిఖీల్లో పట్టుకోకుండా ఉండేందుకు పెద్ద ప్లాన్ వేసినట్లు తెలిసింది. చిప్స్ ప్యాకెట్లలో గంజాయిని దాచుకుని బ్యాంకాక్ నుంచి చెన్నైకి తీసుకువస్తున్నట్లు గుర్తించారు. అది హై క్వాలిటీ గంజాయి (కుష్ కెన్నాబీస్) అని అధికారులు తెలిపారు. థాయిలాండ్‌లో వారు ఈ గంజాయిని కొనుగోలు చేసి, అక్కడి నుంచి తరలిస్తున్నారని గుర్తించారు. ఈ గంజాయి విలువ సుమారు రూ.50 లక్షలు ఉంటుందని చెప్పారు. మహ్మద్ యూసఫ్, హరూన్, ఫరూక్ చెన్నై ఎయిర్‌పోర్టు నుంచి బయటకి రాగానే అనుమానం రావడంతో ముగ్గురిని అరెస్ట్ చేశామని నార్కొటిక్స్ అధికారులు తెలిపారు. అయితే, వారి లగేజీలో మొదట ఎలాంటి గంజాయి దొరకలేదని పేర్కొన్నారు. వారి బ్యాగుల్లో 100 చిప్స్ ప్యాకెట్లు ఉండటంతో అధికారులకు అనుమానం వచ్చింది. తక్కువ ధరకే దొరికే చిప్స్‌ను వారు బ్యాంకాక్ నుంచి ఎందుకు తీసుకువచ్చారనే సందేహం కలిగింది. అందుకే, కొన్ని ప్యాకెట్లు తెరిచి చెక్ చేశారు. ఆ తర్వాత మరిన్ని ప్యాకెట్లు తెరిచి చూసినప్పుడు మొత్తం నిజం బయటపడింది.

ఆ చిప్స్ ప్యాకెట్లలో గంజాయిని పాలిథీన్ కవర్లలో చుట్టి, ఎవరికీ అనుమానం రాకుండా ప్యాక్ చేసినట్లు నార్కొటిక్స్ అధికారులు గుర్తించారు. ఇలా చేస్తే ఎయిర్‌పోర్టు బ్యాగేజీ స్కానర్‌లో కూడా గంజాయి కనిపెట్టలేమని తెలిపారు. ఆ చిప్స్ ప్యాకెట్లలో 13 బండిళ్ల గంజాయిని దాచుకుని తరలిస్తున్నట్లు తేల్చారు. దీంతో ముగ్గురినీ అదుపులోకి తీసుకుని విచారణ ప్రారంభించారు. వారు బ్యాంకాక్‌లోని గంజాయి స్టేషన్ నుంచి గంజాయిని కొనుగోలు చేసి, బ్యాంకాక్ నుంచి ఢిల్లీ, ఆ తర్వాత ఢిల్లీ నుంచి చెన్నైకి ఫ్లైట్ టికెట్లు బుక్ చేసినట్లు గుర్తించారు. అనంతరం వారిపై కేసులు నమోదు చేసి దర్యాప్తు చేస్తున్నారు. ఇక విచారణలో, ఇతర రాష్ట్రాల్లో కూడా వారిపై గతంలో కేసులు ఉన్నట్లు బయటపడింది.