Politics

విజయ్‌‌పై డీఎంకే, అన్నాడీఎంకే సంచలన వ్యాఖ్యలు ఆయన కాపీరాయుడు

విజయ్‌‌పై డీఎంకే, అన్నాడీఎంకే సంచలన వ్యాఖ్యలు ఆయన కాపీరాయుడు

నటుడు విజయ్ రాజకీయాల్లోకి వచ్చి తొలి మహాసభ ఆదివారం నిర్వహించిన విషయం తెలిసిందే. తమిళనాట అధికార పార్టీలైన బీజేపీ, డీఎంకేలపై విమర్శలు గుప్పించారు. ప్రజల్ని విడగొట్టి రాజకీయం చేసే శక్తులు మతం, భాష అంటూ, ద్రవిడ నమూనా అంటూ రాష్ట్రాన్ని దోచుకుంటున్న అవినీతిపరులే మా పార్టీకి ప్రధాన శత్రువులని ప్రకటించారు. విజయ్ 2026 తమిళనాడు అసెంబ్లీ ఎన్నికల బరిలోకి దిగబోతున్నట్టు ప్రకటించిన విషయం తెలిసిందే.

నటుడు విజయ్ తమిళగ వెట్రి కజగం అధినేత మహనాడులో ప్రసంగంపై అధికార డీఎంకే, ప్రధాన ప్రతిపక్షం అన్నాడీఎంకేలు విమర్శలు గుప్పించాయి. ప్రధాన ప్రతిపక్షం అన్నాడీఎంకే సైతం ఇదే అభిప్రాయం వ్యక్తం చేసింది. తమ పథకాలను, విధానాలను కాపీ చేశారని డీఎంకే విమర్శించింది. టీవీకే ప్రస్తుతం రాజకీయ విధానాలన్నీ వివిధ పార్టీల నుంచి తీసుకున్నవేనని ఎద్దేవా చేసింది. డీఎంకే నేత ఎలంగోవన్ మాట్లాడుతూ ‘టీవీకే ప్రకటించినవన్నీ మా పాలసీలే.. విజయ్ కాపీ కొట్టాడు.. అని తెలిపారు.

పార్టీ ప్రకటించిన తర్వాత మొదటి సభలో డీఎంకేపై విజయ్ పై విమర్శలు గుప్పించారు. డీఎంకే కుటుంబ పార్టీ అని, ద్రావిడ్ మోడల్‌తో ప్రజలను మోసం చేస్తోందని చెప్పారు ఆ పార్టీ విధానాలను కూడా తూర్పారబట్టారు. లోపాయికారీ ఒప్పందాలతో ఓ కుటుంబం (స్టాలిన్ కుటుంబం) రాష్ట్రాన్ని దోచుకుంటోందని దుయ్యబట్టారు. ద్రావిడ చిహ్నం పేరియర్ విధానం, సామాజిక న్యాయం, మహిళా సాధికారికత వంటి అంశాలను తాము అనుసరిస్తామని విజయ్ అన్నారు. వీటితో పాటు కామరాజ్, డాక్టర్ బీఆర్ అంబేడ్కర్, స్వాతంత్య్ర సమరయోధులు వెలు నాచిర్, వీరవనిత అంజాలాల్ అమ్మల్‌ తమకు స్పూర్తి అని పేర్కొన్నారు. కానీ ‘మేము పెరియార్ మాదిరిగా దేవుడు లేడనే స్టాండ్ తీసుకోమని, మేము ఎవరి విశ్వాసానికి వ్యతిరేకం కాదు’ అని చెప్పారు.

దీనిపై దీటుగా స్పందించిన డీఎంకే.. తమ ప్రయాణంలో ఎన్నో పార్టీలను చూశామని కౌంటర్ ఇచ్చింది. డీఎంకే75 ఏళ్ల ప్రయాణాన్ని నొక్కిచెప్పిన ఎలాంగోవన్.. ప్రజల సమస్యల కోసం పోరాడేందుకే తమ పార్టీ ఏర్పాటయ్యిందన్నారు. కానీ, పార్టీ ప్రారంభించిన రెండేళ్లలో అధికారంలోకి రావాలని విజయ్ కోరుకుంటున్నారని విమర్శించారు. తమ పార్టీ నాయకుల్లా ప్రజల కోసం పోరాడి టీవీకే నేతలు జైలుకు వెళ్లలేదన్నారు. ‘అదే ఇతర పార్టీలు, డీఎంకేకి మధ్య అన్న తేడా.. మేము ప్రజల కోసం పనిచేస్తాం.. మేము వారి వెంటే ఉంటాం’ అని చెప్పారు. రాజకీయాల్లోకి వచ్చిన విజయ్‌కు శుభాకాంక్షలు చెప్పిన అన్నాడీఎంకే అధికార ప్రతినిధి కొవాయ్ సత్యన్.. ఆయన చాలా దూరం ప్రయాణించాల్సి ఉంటుందని చెప్పారు. ‘కొత్త సీసాలో పాత సారా..తమిళనాడులోని అన్ని రాజకీయ పార్టీల నుంచి కాపీకొట్టిన సిద్ధాంతమే’ అని ఎద్దేవా చేశారు.
కాగా, ఎనిమిది నెలల కిందట రాజకీయ పార్టీని ప్రకటించిన విజయ్.. టీవీకే తొలి మహానాడు విల్లుపురం జిల్లా వీ సాలై గ్రామంలో ఆదివారం జరిగింది. ఈ సందర్భంగా తమతో కలిసి వచ్చే వారిని అధికారంలో భాగస్వాములను చేస్తామని ఆయన ప్రకటించారు.