వామ్మో రాఘవ లారెన్స్‌ సినిమాను ‘కిల్’ చేస్తాడేమో?

రాఘవ లారెన్స్ అంటే హారర్ మూవీస్ మాత్రమే అని అంతా ఫిక్స్ అయ్యారు. కాంచన ఫ్రాంచైజీల నుంచి ఆయన బయటకు రావడం లేదు. రాఘవ లారెన్స్ హిట్టు కొట్టి కూడా చాలా కాలమే అవుతోంది. చంద్రముఖి 2 అంటూ బోల్తా కొట్టాడు. జిగర్ తండా 2 అని ప్రయత్నించాడు. కానీ తెలుగు ఆడియెన్స్‌ను ఆకట్టుకోలేకపోయాడు. ఇక ఇప్పుడు ట్రాక్ మార్చి యాక్షన్ మూవీని చేసే పనిలో పడ్డాడు.

ఈ ఏడాదిలో నార్త్ ఆడియెన్స్‌ని కిల్ మూవీ మెస్మరైజ్ చేసింది. అయితే కిల్ మూవీని అక్కడి ప్రేక్షకుల కంటే ఇక్కడి ఆడియెన్సే నెత్తిన పెట్టుకున్నారు.

కిల్ మూవీకి అక్కడ మంచి కలెక్షన్లే వచ్చాయి. అదే చిత్రాన్ని తెలుగులో డబ్ చేసి ఉంటే కోట్లలో కలెక్షన్లు వచ్చాయి. అలాంటి యాక్షన్ మూవీస్‌ను సౌత్ మరింత ఎక్కువగా ఇష్టపడుతుంటుంది. ఇండియన్ జాన్ విక్‌లా ఉన్నాడని కిల్ హీరోని అంతా పొగిడేశారు. అయితే ఈ చిత్రాన్ని చూడాలని తెలుగు ఆడియెన్స్ తెగ ఆరాటపడ్డారు. ఓటీటీలోకి వచ్చిన వెంటనే.. భాష అర్థం కాకపోయినా కిల్ మూవీని చూసేశారు.

ఈ బ్లడ్ బాత్ యాక్షన్ మూవీని చూసి మన వాళ్లు ఫిదా అయ్యారు. ఇక తెలుగు రీమేక్ రైట్స్ కొన్నారనే గాసిప్స్ వచ్చాయి. సుధీర్ బాబు, కిరణ్ అబ్బవరం పేర్లు కూడా వినిపించాయి. అయితే ఈ మూవీని తెలుగు, తమిళంలో రాఘవ లారెన్స్ చేస్తున్నాడట. ఈ మూవీని రమేష్ వర్మ తెరకెక్కిస్తాడని తెలుస్తోంది.

అయితే లారెన్స్ కిల్ రీమేక్‌ను చేస్తున్నాడని తెలియడంతో నెటిజన్లు వామ్మో అని దండం పెట్టేస్తున్నారు. ఈ సినిమాను చెడగొట్టేస్తాడు.. ఇక ఈ మూవీని చూసినట్టే.. అసలు లారెన్స్‌కు ఆ కారెక్టర్ కూడా సూట్ కాదు.. ఎవరైనా యంగ్ హీరో ఉంటే బాగుంటుంది అంటూ ఇలా పలు రకాలుగా కామెంట్లు చేస్తున్నారు. మరి ఈ కిల్ మూవీని మార్పులు చేర్పులు అంటూ ఎలా కిల్ చేస్తారో చూడాలి. ఈ రీమేక్ మన వాళ్లకి ఎక్కుతుందా? అన్నది చూడాలి.