యూపీఐ పేమెంట్లు ఎక్కువగా చేస్తున్నారా? ఈ లిమిట్ దాటితే ఐటీ నోటీసులొస్తాయ్

యూపీఐ పేమెంట్లు ఎక్కువగా చేస్తున్నారా? ఈ లిమిట్ దాటితే ఐటీ నోటీసులొస్తాయ్.. చూసుకోండి!

ఫోన్ పే, గూగుల్ పే, పేటీఎం వంటి యూపీఐ యాప్‌లు ఎక్కువగా ఉపయోగిస్తున్నారా? యూపీఐ ద్వారా డబ్బులు పంపడం లేదా తీసుకోవడం చేస్తున్నారా? అయితే, మీకు ఒక పెద్ద అలర్ట్. మీ ఖాతాలో పరిమితి దాటితే, మీరు ఇన్‌కమ్ ట్యాక్స్ నోటీసులు పొందే అవకాశం ఎక్కువ ఉంటుంది. మీ ట్రాన్సాక్షన్లపై ఆదాయపు పన్ను శాఖ గమనిస్తుంటుంది. ఆ వివరాలను ఇప్పుడు తెలుసుకోండి.

ఇప్పుడు బ్యాంకుకు వెళ్లి డబ్బులు తీసుకోవడం, జమ చేయడం, ఇతరులకు పంపించడం అనేవి అవసరం లేదు. ఇన్ని అన్ని మామూలుగా మీ అంగుళంలోనే జరుగుతున్నాయి. డిజిటల్ పేమెంట్ సౌకర్యం వచ్చాక ఆన్‌లైన్ చెల్లింపులు పెరిగిపోయాయి. ముఖ్యంగా ఫోన్ పే, గూగుల్ పే, పేటీఎం వంటి యూపీఐ యాప్స్ చాలా ఎక్కువగా ఉపయోగించబడుతున్నాయి. దేశంలో జరిగే డిజిటల్ పేమెంట్లలో యూపీఐ పేమెంట్లు ఎక్కువగా ఉంటున్నాయి. కిరాణా వస్తువుల నుంచి పెద్ద ఎలక్ట్రానిక్ వస్తువుల కొనుగోలు వరకు రూ.10 నుండి వేలల్లో యూపీఐ ద్వారా పేమెంట్లు చేస్తున్నారు. కొంతమంది రెండు, మూడు యూపీఐ యాప్స్ ఉపయోగిస్తుంటారు. ఒక రోజులో చాలా లావాదేవీలు చేయడమేం జరుగుతుంది. తమకు ఎవరైనా డబ్బులు ఇవ్వాల్సి ఉంటే, యూపీఐ ద్వారా చేయమంటారు.
మీరు కూడా యూపీఐ యాప్స్ ఎక్కువగా వాడుతున్నారా? యూపీఐ పేమెంట్లు చేయడం, యూపీఐ ద్వారా డబ్బులు తీసుకోవడం చేస్తారా? అయితే, మీకు ఒక అలర్ట్. మీకు ఇష్టమైనట్లు లావాదేవీలు చేయడం వల్ల చిక్కుల్లో పడే ప్రమాదం ఉండవచ్చు. ఎక్కువ మొత్తంలో యూపీఐ ద్వారా ట్రాన్సాక్షన్లు చేయడంపై ఆదాయపు పన్ను విభాగం గమనిస్తుంది. మీ బ్యాంకు ఖాతాలో పరిమితికి మించి నగదు జమ అయితే, లేదా మీరు డబ్బు తీసుకున్నా, ఐటీ విభాగం మీపై నిఘా పెడుతుంది. దీంతో మీరు ఇన్‌కమ్ ట్యాక్స్ నోటీసులు పొందవచ్చు, మరియు పన్నులు, పెనాల్టీలు చెల్లించాల్సి వస్తుంది. ఏఐ టెక్నాలజీ ద్వారా రోజువారీ ట్రాన్సాక్షన్లపై ఆదాయపు పన్ను శాఖ నిఘా పెడుతుంది. పరిమితికి మించి ట్రాన్సాక్షన్లు చేస్తే, ఆదాయపు పన్ను చెల్లించని వారిపై చట్టపరమైన చర్యలు తీసుకుంటారు. ఇన్‌కమ్ ట్యాక్స్ రూల్స్ ప్రకారం, ఒక ఆర్థిక సంవత్సరంలో బ్యాంక్ పొదుపు ఖాతాల్లో రూ.10 లక్షల పరిమితి ఉంటుంది. ఈ పరిమితి దాటినట్లయితే, సేవింగ్స్ ఖాతాలో డబ్బులు జమ అవుతే ఆ వివరాలు ఇన్‌కమ్ ట్యాక్స్ విభాగానికి చేరిపోతాయి. బ్యాంకు నేరుగా మీ వివరాలు తెలియజేస్తుంది. ఈ పరిమితిని పరిగణలోకి తీసుకోకుండా బ్యాంకులో డబ్బులు జమ చేసి, యూపీఐ పేమెంట్లు చేస్తూ వెళ్లితే, మీకు నోటీసులు రావచ్చు.

ఆదాయపు పన్ను చట్టం 1961లోని సెక్షన్ 285 బీఏ ప్రకారం, బ్యాంక్ ఖాతాల్లో నగదు జమ చేసేందుకు ఒక పరిమితి ఉంటుంది. అలాగే ఇన్‌కమ్ ట్యాక్స్ రిటర్న్స్ ఫైల్ చేసే సమయంలో సేవింగ్స్ ఖాతాలో జమ అయిన డబ్బుల వివరాలు సరిపోలకపోతే మీకు ఐటీ శాఖ నోటీసులు జారీ చేస్తుంది. అలాగే రూ.50 వేలు అంతకు మించి ట్రాన్సాక్షన్ చేసినప్పు పాన్ కార్డు ఇవ్వాల్సి ఉంటుంది. అంటే ఐటీ శాఖ నిఘా పరిధిలోకి వెళ్లినట్లే. ఈ వివరాలన్ని గమనిస్తూ యూపీఐ ట్రాన్సాక్షన్లు చేయడం మంచిది.