BIG BREAKING: BRSను BJPలో విలీనం చేయాలన్న కుట్ర – ఎమ్మెల్సీ కవిత సంచలన ఆరోపణలు

భారత రాష్ట్ర సమితి (BRS) నాయకురాలు, ఎమ్మెల్సీ కల్వకుంట్ల కవిత సంచలన ఆరోపణలు చేశారు. తనను జైలు జీవితం గడుపుతున్న సమయంలో BRSను బీజేపీలో విలీనం చేయాలన్న కుట్ర కొనసాగిందని ఆమె ఆరోపించారు. మీడియాతో మాట్లాడుతూ, ఈ కుట్రను తానే ఖండించినట్లు తెలిపారు.

“జైల్లో ఉన్నప్పుడు ఈ ప్రతిపాదనను నా ముందుంచారు. కానీ నేను ఖచ్చితంగా నిరాకరించాను,” అని కవిత ఘాటుగా వ్యాఖ్యానించారు. తాను రాసిన లేఖను ఎవరు లీక్ చేశారో తెలుసుకోవాలని డిమాండ్ చేస్తూ, “ఇంటి ఆడబిడ్డపై పెయిడ్ ఆర్టిస్టులతో విమర్శలు చేయించడం వల్ల ఎలాంటి మేలు జరగద” అని బీజేపీపై విమర్శలు గుప్పించారు.

పార్టీకి తనకు ఉన్న బాధ్యతపై మాట్లాడిన కవిత, “నాకు అవమానం జరిగినప్పుడు పార్టీకి, ఎమ్మెల్సీ పదవికి రాజీనామా చేస్తానని చెప్పాను. అయితే మా నాన్నగారు (కేసీఆర్) ‘ఇది రాజకీయంగా మేనేజ్ చేయాలి’ అంటూ ఆపారు,” అని పేర్కొన్నారు.

ఈ వ్యాఖ్యలు రాజకీయంగా తీవ్ర చర్చకు దారి తీస్తున్నాయి. ఇటీవల తెలంగాణ రాజకీయాల్లో చోటుచేసుకుంటున్న మార్పుల మధ్య, BRS భవిష్యత్ దిశపై పలు ఊహాగానాలు సాగుతున్న నేపథ్యంలో కవిత వ్యాఖ్యలు మరింత ఉత్కంఠకు దారితీస్తున్నాయి.

ప్రస్తుతం ఢిల్లీ లిక్కర్ స్కాం కేసులో కవితకు సంబంధించి విచారణ జరుగుతుండగా, ఆమె చేస్తున్న ఆరోపణలు రాజకీయ వేడి మరింత పెంచేలా ఉన్నాయి. BRS నాయకత్వంలో బలమైన విభేదాలున్నాయా? లేదా రాజకీయ ఒత్తిడి వెనక ఉన్న దుశ్చిన్ని కవిత బయటపెడుతున్నారా? అన్నది వేడి చర్చగా మారింది.