బాలకృష్ణ 109 సినిమా ప్రీ రిలీజ్ వ్యాపారం… ‘అఖండ’ కంటే ఎక్కువగా..

నందమూరి బాలకృష్ణ వరుసగా మూడు విజయాలు సాధించడమే కాకుండా, మూడోసారి అసెంబ్లీ ఎన్నికల్లో కూడా గెలిచినందువల్ల ఆయన కొత్త సినిమాపై అందరి దృష్టి ఉంది. చిరంజీవితో వాల్తేరు వీరయ్య వంటి పెద్ద మాస్‌ ఎంటర్‌టైనర్‌ను రూపొందించిన బాబీ అనే దర్శకుడితో బాలకృష్ణ ప్రస్తుత సినిమా తీస్తున్నారు. అందుకే ఈ సినిమా పెద్ద విజయం సాధిస్తుంది అనే నమ్మకం అందరిలో ఉంది. బాబీ దర్శకత్వంలో రూపొందుతున్న NBK109 సినిమా షూటింగ్‌ ఇప్పటికే పూర్తయింది, దసరా కానుకగా విడుదల కావాల్సి ఉంది కానీ బాలయ్య రాజకీయాల కారణంగా ఆలస్యం అయింది.

అసెంబ్లీ ఎన్నికలు ముగిసిన వెంటనే బాలకృష్ణ షూటింగ్ కు జాయిన్ అయినా దసరా కి విడుదల చేయడం సాధ్యం కాలేదు. వచ్చే ఏడాది జనవరిలో సంక్రాంతి కానుకగా ప్రేక్షకుల ముందుకు తీసుకు వచ్చేందుకు ఏర్పాట్లు జరుగుతున్నాయి. ఇప్పటికే షూటింగ్‌ ముగింపు దశకు చేరుకుంది. సినిమా నుంచి ముఖ్యమైన అప్‌డేట్‌ను దీపావళికి ఇవ్వొచ్చని చెబుతున్నారు. దీపావళి సందర్భంగా సినిమా పేరు, హీరోయిన్స్‌ వివరాలు, విడుదల తేదీపై స్పష్టత ఇవ్వాలని దర్శకుడు బాబీ ప్లాన్‌ చేస్తున్నారు. సినిమా విడుదల దగ్గరపడుతున్న కారణంగా నిర్మాతలు ప్రీ రిలీజ్ వ్యాపారం మొదలు పెట్టారని అంటున్నారు. సినిమాకు వచ్చిన ఆసక్తి (బజ్‌) దృష్ట్యా దాదాపు రూ.90 కోట్ల రూపాయల బిజినెస్‌ను ఆశిస్తున్నారని తెలుస్తోంది.

బాలయ్య సినిమా గతంలో చేసిన పెద్ద వసూళ్ల వల్ల పలు ప్రాంతాల్లో మంచి బిజినెస్ జరుగుతోంది. ఏపీ, తెలంగాణలో మొదటి వారం లేదా రెండు వారాల పాటు టికెట్ల ధరలు పెంచేందుకు అనుమతి ఉంటుంది, అదనంగా సినిమాకు అదనపు షోలు కూడా ఉంటాయట. అందుకే భారీ ఓపెనింగ్ వస్తుందని అనుకుంటున్నారు. సినిమాకు షూటింగ్ పూర్తవ్వక ముందే బయ్యర్లు సినిమాను కొనుగోలు చేసేందుకు ముందుకు వస్తున్నారు. ప్రీ రిలీజ్ బిజినెస్ పూర్తి కావడానికి ఇంకా సమయం ఉందని చెబుతున్నారు, కాబట్టి రూ.90 కోట్ల లెక్క ఇంకాస్త పెరగడం ఆశ్చర్యం కాదు అని సినీ వర్గాలు భావిస్తున్నాయి.

బాలకృష్ణ నటించిన సినిమాల్లో అత్యధిక ప్రీ రిలీజ్ బిజినెస్ చేయబోతున్న సినిమాగా NBK109 నిలవబోతోంది. ప్రస్తుతం జరుగుతున్న ప్రచారం ప్రకారం రూ.90 కోట్ల ప్రీ రిలీజ్ బిజినెస్ చేస్తే సినిమాకి రూ.100 కోట్ల షేర్‌ కలెక్షన్స్ రావాల్సి ఉంటుంది. అంటే దాదాపు రూ.200 కోట్లకు పైగా గ్రాస్‌ కలెక్షన్లు రావాలి. అంటే బాలయ్య కెరీర్‌లో పెద్ద సినిమా అయిన అఖండను మించి NBK109 సినిమా వసూళ్లు సాధించాలి. ఈ సినిమా కోసం అంత పెద్ద వసూళ్లు రావడం సాధ్యమా అనేది చూడాలి. ఈ సినిమాకు థమన్ అందించిన సంగీతం ప్రత్యేక ఆకర్షణగా ఉంటుందని యూనిట్‌ సభ్యులు అంటున్నారు. సినిమా టైటిల్‌ రివీల్‌ చేసిన తర్వాత అంచనాలు మరింతగా పెరుగుతాయని భావిస్తున్నారు.