పోసాని కృష్ణ మురళికి భారీ షాక్.. ఆయనపై సీఐడీ కేసు నమోదు..

సినీనటుడు పోసాని కృష్ణమురళికి మరో షాక్ తగిలింది. ఆంధ్రప్రదేశ్ రాష్ట్ర వ్యాప్తంగా ఇప్పటికే ఆయనపై పలు ఫిర్యాదులు నమోదు కావడంతో, తాజాగా సీఐడీ (క్రిమినల్ ఇన్వెస్టిగేషన్ డిపార్ట్‌మెంట్) పోసాని కృష్ణమురళిపై కేసు నమోదు చేసింది. ఈ కేసు, ఆంధ్రప్రదేశ్ తెలుగు యువత ప్రతినిధి బండారు వంశీకృష్ణ ఇచ్చిన ఫిర్యాదు ఆధారంగా నమోదుైంది.

సెప్టెంబర్ నెలలో నిర్వహించిన ఒక మీడియా సమావేశంలో, ముఖ్యమంత్రి నారా చంద్రబాబు నాయుడును కించపరిచేలా పోసాని కృష్ణమురళి ప్రసారమాధ్యమాల్లో వ్యాఖ్యలు చేసారని వంశీకృష్ణ ఆరోపించారు. వంశీకృష్ణ యొక్క ఫిర్యాదులో, పోసాని చేసిన వ్యాఖ్యలు చంద్రబాబుకు వ్యతిరేకంగా కించపరిచేలా ఉండటంతో పాటు, వర్గాల మధ్య విభేదాలు కలిగించేలా కూడా ఉన్నాయని పేర్కొన్నాడు.

ఈ ఫిర్యాదును బట్టి, సీఐడీ అధికారులు పోసాని కృష్ణమురళిపై వివిధ సెక్షన్ల కింద కేసు నమోదు చేశారు. సెక్షన్లు 111, 196, 353, 299, 336 (3) (4), 341, 61(2) బీఎస్ఎస్ వర్తిస్తాయని తెలిపారు.

ఇందులో భాగంగా, ముఖ్యమంత్రి నారా చంద్రబాబు నాయుడు, డిప్యూటీ సీఎం పవన్ కళ్యాణ్, ఐటీ మంత్రి నారా లోకేష్‌లపై కూడా పోసాని చేసిన అనుచిత వ్యాఖ్యలపై పలు చోట్ల ఫిర్యాదులు నమోదయ్యాయి. కడప జిల్లా రిమ్స్ పోలీస్ స్టేషన్‌లో బీసీ సెల్ ఉపాధ్యక్షుడు వెంకట సుబ్బయ్య పవన్ కళ్యాణ్, నారా లోకేష్ పై చేసిన వ్యాఖ్యలపై ఫిర్యాదు చేశారు.

తదుపరి, రాజంపేట పోలీస్ స్టేషన్‌తో సహా రాష్ట్రవ్యాప్తంగా మరిన్ని ఫిర్యాదులు అందాయి. పోసాని కృష్ణమురళి టీటీడీ ఛైర్మన్ బీఆర్ నాయుడు గురించి కూడా అనుచిత వ్యాఖ్యలు చేశారని ఆరోపణలు వచ్చాయి. ఈ నేపథ్యంలో, టీడీపీ శ్రేణులు వివిధ పోలీస్ స్టేషన్లలో పోసాని పై చర్యలు తీసుకోవాలని ఫిర్యాదు చేశాయి.

మరోవైపు, సినీ నటి శ్రీరెడ్డి కూడా సోషల్ మీడియాలో అనుచిత వ్యాఖ్యలు చేసినట్లు, చంద్రబాబు, పవన్ కళ్యాణ్, నారా లోకేష్, వంగలపూడి అనితలపై ఫిర్యాదులు అందుకున్నాయి.