బన్నీ కోసం 1600 కిమీ సైకిల్‌పై హైదరాబాద్‌కి.. షాకయినా అల్లు అర్జున్

పుష్ప సినిమా తర్వాత అల్లు అర్జున్ క్రేజ్ నార్త్‌లో అమాంతం పెరిగింది. ఈ సినిమాలో బన్నీ యాక్టింగ్‌కి ఉత్తరాది ఆడియన్స్ పిచ్చెక్కిపోయారు. బన్నీకి నేషనల్ అవార్డ్ వచ్చినప్పుడు కూడా చాలా మంది ఫ్యాన్స్ అక్కడ తెగ సంతోషపడ్డారు. అయితే పుష్ప 2 సినిమా కోసం ఏ రేంజ్‌లో ఎదురుచూస్తున్నారో ప్రత్యేకించి చెప్పక్కర్లేదు. ఇప్పుడేమో ఓ అభిమాని అయితే ఏకంగా బన్నీని కలవడానికి సైకిల్‌పై హైదరాబాద్ వచ్చేశాడు. ఇది విని బన్నీ షాక్ అయ్యారు.

తాజాగా సోషల్ మీడియాలో ఓ వీడియో వైరల్ అవుతోంది. ఇందులో ఒక అభిమానిని అల్లు అర్జున్ కలిశారు. ఎక్కడి నుంచి వచ్చావ్ అని అడగ్గా ఆ అభిమాని ఇచ్చిన రిప్లయ్‌కి బన్నీ షాకయ్యారు. నేను మీకు వీరాభిమానిని సార్.. పుష్ప సినిమా చాలా సార్లు చూశాను.. ఇన్నాళ్లకి మీ దర్శనం కలిగింది అది చాలు.. నేను ఉత్తర్‌ప్రదేశ్ అలీగఢ్ నుంచి సైకిల్ తొక్కుకొని వచ్చేశా సార్.. దారిలో అడవులు, కొండలు తగిలాయ్.. అయినా సరే వచ్చేశా.. హనుమాన్ చాలీసా వింటూ వచ్చేశా.. మిమ్మల్ని చూశాకా ఆ కష్టమంతా మర్చిపోయా.. చాలా సంతోషంగా ఉంది సార్ అంటూ ఆ ఫ్యాన్ చెప్పాడు.

“సైకి‌ల్ మీద వచ్చావా.. అలా ఎలా వచ్చేశావయ్యా బాబూ.. ఇంకెప్పుడు ఇలా చేయకు.. నేను పుష్ప 2 ప్రమోషన్ కోసం ఉత్తర్‌‌ప్రదేశ్ వచ్చినప్పుడు నిన్ను కలుస్తా” అంటూ బన్నీ మాటిచ్చారు. అలానే అతనికి రిటర్న్ వెళ్లడానికి ఫ్లయిట్ లేదా ట్రైన్ టికెట్ బుక్ చేయాంటూ తన టీమ్‌కి చెప్పారు. అలానే సైకిల్ మీద అస్సలు వెళ్లనివ్వొద్దని.. కావాలంటే ఆ సైకిల్ బస్సుకేసేయండి అంటూ జాగ్రత్తలు చెప్పారు. ఆ వీడియో కింద లింక్ లో ఉంది చూసేయండి..

https://x.com/TheAakashavaani/status/1846466885027520832

ఈ వీడియో సోషల్ మీడియాలో తెగ వైరల్ అవుతోంది. నార్త్‌లో ఈ రేంజ్ క్రేజ్ ఉన్న ఏకైక సౌత్ యాక్టర్ అల్లు అర్జున్ అంటూ ఫ్యాన్స్ పోస్టులు పెడుతున్నారు. ఇప్పటికైనా బన్నీ క్రేజ్ అర్థమైందా అంటూ మెగా ఫ్యాన్స్‌కి సెటైర్లు వేస్తున్నారు. ఏది ఏమైనా, ఎవరు అడ్డొచ్చినా డిసెంబర్ 6న పుష్ప 2 రావడం.. రికార్డులు తుడిచిపెట్టేయడం ఖాయమంటూ నమ్మకంగా ఉన్నారు ఫ్యాన్స్. అయితే పుష్ప 2తో పోటీగా అదే నెలలో గేమ్ ఛేంజర్ వస్తుంది మెగా ఫ్యాన్స్ ఆశించారు. కానీ గేమ్ ఛేంజర్ కాస్తా సంక్రాంతికి వాయిదా పడిన సంగతి తెలిసిందే. ఈ కారణంగానే విశ్వంభర కూడా సంక్రాంతి నుంచి ఆల్ మోస్ట్ తప్పుకుంది.