ఫ్రీగా JEE, NEET మెటీరియల్ – విద్యార్థులకు శుభవార్త: మంత్రి లోకేశ్

ఆంధ్రప్రదేశ్‌లో ఇంటర్ విద్యార్థులకు శుభవార్తను మంత్రి నారా లోకేశ్ ప్రకటించారు. రాష్ట్రంలోని 1,355 ప్రభుత్వ జూనియర్ కాలేజీల్లో చదువుతున్న లక్ష మందికిపైగా విద్యార్థులకు JEE, NEET కోచింగ్ మరియు స్టడీ మెటీరియల్‌ను ఉచితంగా అందించనున్నట్లు ఆయన తెలిపారు. ఇది ప్రభుత్వ రంగ విద్యా వ్యవస్థలో వినూత్న చర్యగా నిలుస్తుందని చెప్పారు.

దేశంలోనే తొలిసారి ప్రభుత్వ విద్యా సంస్థల నుంచే IIT/NEET స్థాయి అకడమిక్ సపోర్ట్ అందించబోతున్నామని, MPC మరియు BiPC విద్యార్థుల కోసం డైలీ కోచింగ్, అదనపు క్లాసులు, మోడల్ టెస్టులు వంటి కార్యక్రమాలు నిర్వహించనున్నట్టు వెల్లడించారు. “నాణ్యమైన విద్య ప్రతి చిన్నారి హక్కు. వారికి సమాన అవకాశాలు కల్పించడమే ప్రభుత్వ ధ్యేయం,” అని లోకేశ్ అన్నారు. ఈ నిర్ణయం పేద, మధ్య తరగతి విద్యార్థులకు పెద్ద భరోసా కలిగించనుంది